瘋狂購物一小時...

放左工,艾先生又未到,行去隔籬街中國超市昅昅有乜好野買先...等左好耐嘅青蘿蔔終於再度上市,左揀右揀,最後決定～買起哂佢！

再望下,咦...抽筋菜? 成２年無食過,抽起條筋想食添...咁啱又有腐乳買,引死人啦

同老闆講開煲湯,諗起清補涼...順口問下要買D乜材料,原來有現成湯包買嘅...

結果...

同艾先生會合左,佢要去整D野,交低左卡樂B比我然後半個鐘後再會合.好!繼續買...

到街市,有青蘿蔔就梗係要買豬肉啦!去豬肉檔睇下問下有乜CUT啱煲湯用,豬肉佬又肯幫我'湯'返條骨出黎,真好人...咁我就買多舊留返下次煲! 經過生果檔,又抵受唔住D價錢咁好,買左5個鴨梨,盛惠£1.00...

我的戰利品...

仲有時間剩,去M&S行下,好過係外邊食風...自從卡樂B加入左我地呢個家庭之後,我去親SHOPPING都係行童裝部,玩具部,今次有卡樂B同行就更加無例外啦.玩具又做特價買2送1,Hm...MAMI心情靚 ~ 呀仔!鍾意D咩咁呀,揀件啦! 結果佢揀左...


話明買2送1, 我就揀多2件,原本要£15,而家唔洗£10,唔算好平,叫做有D著數咁啦...

艾先生嘅半個鐘係我地平常人嘅九個字到一個鐘,所以...我就係返回集合地點嘅同時又即刻鼠埋去圖書館睇下.居然比我搵到D西文+英文嘅兒童圖書,望真D,法文又有,波蘭文,土耳其文,巴基斯坦文,俄文都有,就連中文+英文嘅都有幾本WOR. 城嘅圖書館又幾週到BOR,連少數民族都照顧埋,我第日都要多D帶卡樂B黎呢間圖書館先得!

呢兩日喺屋企就係不停煮食我D戰利品做晚飯LOR,噚晚有腐乳煮抽筋菜,今晚就梗係青/紅蘿蔔煲豬肉LA!

上圖書館去...

而家好多人都話小朋友嘅閱讀興趣係要從小陪養, 而呢度D爸爸媽媽又真係好早就開始比書D BB睇/玩,睡前同佢哋睇/講故事. 於是我咪學人做埋一份,帶卡樂B去圖書館見識下...


其實呢間唔係正式嘅圖書館,係一間CHILDREN'S CENTRE,係政府喺每個社區攪嘅幼兒到青少年一站式服務中心.



有一個AREA有圖書/DVD租借服務,又有D FUNCTION ROOMS攪下活動


卡樂B嘅TODDLERS' GROUP都係喺呢度GA! 清潔嬸嬸企個個位就係PLAYROOM啦!


一黎到,卡樂B就去書架揀書.


仲睇到入哂神添...


嘩...乜印度文你都識架,咁咪仲叻過MAMI?




呢張就係借書證啦! 有乜咁特別？

1. 借書證係用卡樂B自己個名申請GA! (睇怕佢應該係家族中最年輕的"讀書人"LU)
2. 最多可以借6本書...每本3星期(可以網上續借,不過要我幫佢LOGIN)
3. 卡樂B借嘅書,如有遺失,損毀...唔洗罰錢 (好彩...因為佢已經將其中一本揭到滾瓜爛熟...)

"一卡傍身,世界通行..."

睇吓今次借左D乜書先...

卡樂B一見到呢本就撲埋去,因為BANANA係佢最鍾意嘅生果!