Almalyho 卡樂B媽咪: 薰衣草

Showing posts with label 薰衣草. Show all posts

Monday, 8 August 2011

薰衣草園

本來同卡樂B去公園係去FUN FAIR玩下，點知行下遠D，行下又遠D，去左公園另外一邊，發現左個薰衣草園！

MAMI梗係好興奮呀！ (thumbs up)

成日想去都無得去。

雖然呢度细细地，但一行入去都好香呀！

有花香就有小蜜蜂採蜜啦！連甲蟲都黎凑熱閙呢！

卡樂B又點呢？現塲真係有唔少蜜蜂，卡樂B又唔慣係D樹度穿來穿去，所以都有D唔自在架！

但佢當日都幾乖乖，跟住MAMI行左唔少時間等MAMI影相。

所以MAMI影完相就買左雪糕獎勵下呢位小朋友。 (party)

Saturday, 6 August 2011

客串農夫（2）

咁又過左個幾月，種植情况係同人力投入成正比既 ~ 話明客串，梗係無乜努力過啦，所以。。。

魚翅瓜本來有兩棵係地，兩棵係盤，先個零禮拜一塲大雨：‘dup'死左最弱個棵，真係當塲折斷，反魂乏术 (angel)

，而家剩番3棵，大细同舊年同期既兩棵差不多。琴日又清理左週圍既雜草，但草地又要等艾先生有時間先可以剪啦！

呢棵係苦瓜，成7月先開始發苗，棵苗又生得好慢，有無得收成真係無人知！ (confused)

前幾日艾先生清理另一邊BORDER既雜草時發現左呢幾棵植物。記得舊年都有幾棵類似既植物出過，當時D蕃茄唔够位生，當雜菜拔晒。今年MAMI覺得呢幾棵應該係長得出有野食既！ (thinking)

影左張相問有無人知係乜？熱愛種植既何媽一眼就認出係薯仔。嘩。。。好開心呀！估唔到無端端有可能有薯仔收成wor！ (party)

所以而家淋水/施肥，MAMI都會比D心機攪埋個幾棵薯仔苗，希望有機會玩掘薯仔呢！

最後。。。本來想扔，但都種埋左落地既一盤lavender開左花，不過只係一支獨秀。。。 (laughing)

。

Saturday, 2 July 2011

客串農夫

今年話早D發苗，攪黎攪去都發到而家！

5月21日：神奇呀！朝早都未見D葉，下午出去望望就見到葉仔破土而出！努力呀！[呢D係魚翅瓜苗黎架！]

卡樂B負責淋水。同D苗傾計！

6月16日：有4棵苗生長得唔錯。卡樂B趁開水喉淋花又乘機踏水！

上星期日PAPI同卡樂B剪左草，清理好BORDER，但天氣一路都麻麻，MAMI又唔得閒，终於等到今日，趁卡樂B返緊學既時間掘地移植D苗落地。

舊年公公係度幫手種，見有鼻涕虫黎食D苗就用舊花盤圍起D苗，等到棵瓜够壯大先拆走個盤，今年我都有樣學樣，希望得啦！

種左兩棵落地，另外兩棵用個花盤種，成功既話就可以睇下兩個種法有乜分别！

今日都好大風，D苗吹到歪歪地，頂住呀！

本來想放棄既一棵熏衣草，终於都種埋落地，睇下今年會唔會回光反照

。

舊年D瓜種係對正屋既BORDER，今年揀左屋係屋左手邊既BORDER，點解？因為母親節既時候我地買左棵樹，睇返D相，原來係勞動節（5月1日）種落地既！當日卡樂B又係坐定定做指揮！

呢幾個月都頗大風，真係擔心會吹斷棵樹，艾先生用繩同鐡管固定左棵樹，呢幾日出去淋水，見到出左唔少新葉。唔係晒燶呀，呢棵樹既葉真係紫色架！

所以。。。情况應該係穩定左，可以慢慢長大啦！

Thursday, 7 May 2009

栽花定摧花? - PART III: 邊個做嘅...

四月頭落嘅第一批向日葵最後有2粒成功發芽,而家有差不多兩尺高,一定要轉落大花盆LU,不過佢地嘅成長經歷都頗為堪苛

...

右手邊呢棵無端端生骨櫛? 事緣我無估到棵花會飆高得咁快,原本篤左喺花盆嘅筷子唔夠3日又已經矮得濟,屋企又再無竹仔可以換,唯有揾艾先生想下辦法

...於是佢將D唔用嘅筷子廢物利用,再駁高D,竹仔攪掂左,要碼好棵花,等佢可以有D支持,到再壯D可以自己企起身先拆走D竹仔.我諗住跟手就自己攪埋佢,點知艾先生好快手就拿起條膠鐵線勒落去

~ 睇怕都要同棵花講BYE BYE LU...點知棵花又好大命BOR,到而家都仲繼續生,頸位被勒嘅傷口都埋番好,但就留低左個骨櫛係度LOR.

[其實艾先生一路都唔知自己做左摧花手架...直到前幾日我見棵花都應該渡過左危險期我先話番比佢知咋! 我以後一定一定一定...唔會再比佢掂我D花!]

左手邊矮D個棵又點? 仲古怪

,種左咁耐,都係每朝食完早餐洗碗嘅時候就順手淋水,見佢有高有大我就無特登攞佢出黎研究.直到大概一星期前見佢有D傾埋一邊,諗住佢都係搶光搶到向前傾,想轉移轉個花盤方向戥番正D棵花. 一轉個盤:竟然發現條花莖好似佈景板咁~有前無後,條莖單薄到好似D扁身意大利粉咁,我諗一拆走支竹,佢就會冧低埋,攪到而家都唔知同唔同佢換盤好...