無端端，食西餐

今日一心一意要煲湯，所以琴日買唔到排骨今日都特登出去揾，點知。。。呢間超市都無排骨賣，見到有跟左一條骨既猪脾（PORK SHANK），去晒皮，唔肥，好過無啦。。。咁就買左返黎。

今日煲乜湯？冬南瓜（BUTTERNUT SQUASH）排骨湯是也！呢個湯我耐不耐都會煲，又醒起艾先生話呢D湯要落D CREAM先滑，咁我又好認真地買埋CREAM。
唔齊人既材料大合照：猪脾一份，冬南瓜/薯仔各一隻，CREAM。[到要開爐爆香D瓜先醒起要加半個洋葱切粒]

猪脾出水備用，冬南瓜/薯仔切粒備用。

開爐落油中火爆香洋葱粒，加入冬南瓜/薯仔爆下。

加水。大火滾起收慢火煲多45分鐘就可以收火，（其間CHECK下唔好乾水），放凉備用。
將煲淋左既瓜/薯仔放入BLENDER，酌量加入湯水打溶，加入鹽/黑椒調味。差不多攪掂啦。。。

够鐘開飯就煮返熱個湯，落CREAM。加D烤香左既杏仁片上面。

主菜係猪肉腸加ROAST POTATOES。薯仔先煲10分鐘左右，用OLIVE OIL/鹽/ PARSLEY撈均。攪攪下，見到有車厘茄：不如又焗幾粒食下。拿拿聲切D红洋葱絲，加黄糖/BALSAMIC VINEGAR/OLIVE OIL撈均等入爐。

 

車厘茄差不多焗好就開鑊略煎D猪肉腸，攞D車厘茄出黎就可以放猪肉腸入爐繼續烤熟。

呢餐飯好唔好食？

卡樂B一見MAMI攞住樽CREAM就猛話要落落碗湯度！飲左幾啖就轉移目標，唔飲湯，要食杏仁片!

 

上主菜：猛話唔食腸，唔食猪肉，唔食雞肉[應該係作眼訓既語無倫次對白]。無得迫，唯有佢LIKE乜就比乜佢食：薯仔囉！食食下又肯咬返幾啖猪肉腸！[仲每食一啖都問住"MAMI, ARE YOU HAPPY NOW?" 跟住又再一次轉移目標，要食車厘茄！最後竟然係主攻红洋葱加
PARSLEY：食薯仔要加埋一齊食，仲淨食左幾口剩红洋葱添呀！

 

呢餐飯D茄哩啡變晒大主角。。。

冬南瓜紅蘿蔔排骨湯

近來比艾先生投訴煲得太多青紅蘿蔔豬肉湯,煮埋佢食都咁多說話,真唔識嘆又唔識做...

有個媽咪朋友提起話煲Butternut Squash[上網揾到中文譯做冬南瓜]紅蘿蔔排骨湯,當堂醒起我買左一個係度仲未食,問下點整先...
 
材料好簡單,就係題目個三樣野LOR! 我就加多左半個洋蔥起鑊.

 
四條排骨,我呢度D排骨都幾肥,所以出水前都要切走D FATS,不過到出水個陣都一樣煲到一塌糊塗...

 
將紅蘿蔔,冬南瓜去皮[溫馨提示:　呢樣真係幾粗重嘅功夫,最好揾屋企入面個D成日自認好武有力人士主理]切粒之後就可以用洋蔥起鑊爆一爆香D瓜粒.

 
煲定煲水,爆到咁上下就可以落水同排骨,想再好味D可以用上湯,等煲水滾返起就轉中細火,煲多一個鐘就差唔多飲得啦！暫時嘅賣相都仲係比較差...

 
煲好之後,可以用攪拌器攪溶D瓜粒,加D DOUBLE CREAM等個湯香滑D...我就比較懶,只係攞湯勺同匙羹壓瓜蓉就算,再拆埋D排骨肉返滾就食LU

點知卡樂B唔鍾意飲D湯WOR,但係我比D瓜蓉同豬肉碎落飯仔,佢又食左成碗,味道一模一樣,都唔知點解?

艾先生都飲左一碗(公仔面碗SIZE架),話NICE...不過西人講NICE真係唔知佢係咪講真架! 我自己就好鍾意呢個湯,但唔可以飲得太密,唔係真係會變黃面婆...