，望左成幾個鐘食譜都揀唔到樣野想整黎食。。。突然醒起
。。。遲左！遲左3日！唔記得個樽蓄之高閣既咸蛋已經够期！
以前用求其一個咖啡樽，浸5/6隻（次次都有裂左既蛋！），樽太大，D 蛋浮晒上面，總係覺得整得唔係幾好。。。
早排買左個密氣樽。放左D蛋落去，即刻見到點解要洗錢買呢個樽！
呢個樽容量唔大，剛剛够放6隻蛋，蛋係半打装咁買，整一次整够就食一個月左右，啱啱好！
最緊要係：呢個樽係有膊頭架！個咖啡樽都有膊頭，不過係斜膊，又大得濟。。。呢個呢～D蛋就算浮上黎，一到膊頭就會卡住，盐水加到頸位就FIT晒！
因為發現原來有一大包花椒未用過，D八角又係永遠用唔完。所以今次用左一個比較花巧既食譜。
成績係點？唔知點解？我次次醃出黎D蛋個殻都一撻撻色，今次都唔例外
。
打開個樣分别都唔大
今次用左蛋黄蒸肉餅，一入口有花椒八角既香味，I LIKE IT
!
好想下次再整，但突然醒起。。。挑嘴既艾先生未必會接受，等我仲話低遲两日整咸蛋肉片湯，
點算呢？
補敍：
今日經過街市魚檔 ~ 無錯! 呢度既魚檔同猪肉檔會賣埋蛋架! ~ 又買左6隻鴨蛋，承惠175便士，平超市25便士，同超市個D拼一拼 ~ 大隻好多呢！
最後决定，再整有花椒八角味既咸蛋！
買蛋個陣CHECK過晒，一隻蛋都無裂。點知。。。我幫D蛋搽酒個陣隻手一滑，又整裂左一隻！
哈哈。。。錯有錯著！D蛋太大，個樽剩係放得落5隻！
入好樽，放返個樽上櫃頂，4星期後見囉
。。。
No comments:
Post a Comment