[終於]向港式麵包出發...

舊年時...BLOG友間一窩蜂的整港式麵飽,好不熱鬧...我話我會整,連老牌麵包機都攞埋出黎,等左無半年都5個月,今日終於的起心肝---開工啦!!!

各位整慣包既BLOG友一見到呢張大合照就知我整乜啦...

腸仔飽是也

我無信心自己搓粉,所以用麵包機既DOUGH CYCLE代勞.

我呢部機好耐無用,上次攞出黎試機都發覺部機既發熱功能有問題,即係要加熱黎發酵同焗都唔得.

今日再試,真係搓完粉要加熱發酵就"嗶嗶嗶"出ERROR MESSAGE啦!

無緊要!我最緊要係要搓好舊粉,發酵可以...

 

呢度係全屋最熱既地方...放個粉團係度一樣掂!

 

30-40分鐘之後...

一拳打落舊粉團放返D氣出黎,搓幾搓就可以分割成一個個飽既份量,搓成長條卷埋條腸仔落去.                   

擺返上BOILER櫃第2次發烤(30-40分鐘)之後就入爐.

出爐啦!!!

又有人趕住試食...

味道如何? OKAY啦...不過賣相就好需要改善: 由於我"孤寒",一條腸仔開二,所以唔夠腸仔卷晒個粉團[即係飽多過腸仔],希望下次可以買到啱長度既腸仔同埋卷得有心機D,整D又睇得又食得既飽飽!