有乜冬瓜豆腐點算?

無乜可以點算...煮左佢囉!

計劃不週情況之下,呢個本來好冶味既冬瓜腩仔豆腐卜就變成左走腩仔既"齋煲"...

一開膠袋想攞舊瓜上砧板既時候醒起呀媽話:
砧板切過冬瓜後切肉會令D肉變霉架! 所以冬瓜要留到最後先切.
於是就"拿拿臨"先剁好卡樂B既豬肉餅,然後再處理D冬瓜.

豆腐卜我就用熱水浸一陣,然後搾返D水同油出黎先燜.

落姜爆一爆D冬瓜,就可以落埋冬菇,豆腐卜,加入柱侯醬,適量水份燜.冬菇夠'淋'就可以收火上碟.

所以...今日既晚餐: 柱侯醬燜冬瓜豆腐卜 + 我既"熟手小菜"蒸豬肉餅.