Almalyho 卡樂B媽咪: May 2009

Saturday, 16 May 2009

HOMEMADE MUFFIN...梗係用現成嘅粉啦

我好鍾意MUFFIN,時不時都會買D返屋企食

.以前都試過買現成MUFFIN粉整架啦,先幾日去到超級市場見到,諗都冇諗就抌左一盒落車仔,今日一時落哂雨,一時好太陽,最重要係艾先生要開工...邊度都唔洗去,餵完卡樂B無無聊聊之際見到盒粉,開焗爐!

記得以前買呢個牌子嘅粉係比乾藍梅,而家改進左,用罐裝藍梅

,我就剩係要加奶,油同雞蛋攪均就得

出爐LU! 個樣都幾得架! 整杯茶

,嘆番隻先...

咦

...有人!

好大膽,問都無問就自己黎...

證據確鏧,仲若無其事一路食,一路望電視添

...

見係你,就算數啦! 呢D出貓自家制MUFFIN比我係超級市場買開現成個D好食,因為無咁油,又鬆軟D,趁仲暖暖地食就最正

Monday, 11 May 2009

雜豆排骨湯

其實我非常鍾意飲湯,家母煮餸嘅手勢雖然麻麻,但就煲得一手靚湯,如果個晚有湯飲: 唔洗煮我飯啦,因為我係會不停咁飲湯同食D煲湯出黎嘅剩餘物資

...黎到呢度,初初乜都唔識,又怕麻煩,無乜煲湯,但卡樂B出左世,大大下之後,又唔同左LU...總係想佢飲食方面似人多D,所以我就開始學煲湯.

煲左一排,都係煲以紅蘿蔔為主嘅湯,艾先生已經投訴過,而我自己都覺得紅蘿蔔雖然有益,好味,平又易買到,但食得太多都會悶同埋會面黃...

好幸運地

,又有位媽咪朋友提供左另一個食譜

,就係呢個雜豆排骨湯,材料如下:

雜豆250g
排骨4條
蜜棗4粒
元肉1小撮
淮山8-10片
元貝2粒 (我落左1小粒,怕艾先生食到有腥味...)
果皮1塊

睇清楚袋雜豆有乜先...

紅腰豆
黑腰豆
眉豆
FLAGEOLET BEANS (綠色)
PINTO [西文黎嘅,英文譯做PAINTED] BEANS (花碌碌個D)

做法又係好簡單：
雜豆: 因為會煲2個零鐘咁耐,所以連隔晚浸定水都唔洗做! 煲之前用水沖洗下就得
排骨: 照樣切走D肥,出水備用
蜜棗,元肉,淮山,元貝,果皮: 全部用暖水浸軟備用.
水滾將所有材料落煲,初初煲左一陣,嘩! 成煲湯都係黑色嘅,我諗係D黑色嘅豆先出色啦.

再煲煲下就變成啡啡紅紅咁,好似家母煲個D老火湯咁樣...

中慢火滾2個零鐘,試下D豆夠淋就即係煲好架啦! D豆好吸水,煲煲下就要加D水,唔係煲埋都唔夠我飲就敝!

我嘅晚餐就係呢個湯同埋D湯料,D豆好飽肚,真係唔洗食飯,最後仲有食剩.

艾先生嘅評語又係點? 點解有D魚腥味

? [咁都比佢聞到~真係狗鼻

], 然後佢仲話其實佢唔好甜嘅湯~所以上次話冬南瓜紅蘿蔔排骨湯NICE 其實點解~而家明啦? 呢個湯就OK WOR,睇下第日又有冇更正先

...

Thursday, 7 May 2009

栽花定摧花? - PART III: 邊個做嘅...

四月頭落嘅第一批向日葵最後有2粒成功發芽,而家有差不多兩尺高,一定要轉落大花盆LU,不過佢地嘅成長經歷都頗為堪苛

...

右手邊呢棵無端端生骨櫛? 事緣我無估到棵花會飆高得咁快,原本篤左喺花盆嘅筷子唔夠3日又已經矮得濟,屋企又再無竹仔可以換,唯有揾艾先生想下辦法

...於是佢將D唔用嘅筷子廢物利用,再駁高D,竹仔攪掂左,要碼好棵花,等佢可以有D支持,到再壯D可以自己企起身先拆走D竹仔.我諗住跟手就自己攪埋佢,點知艾先生好快手就拿起條膠鐵線勒落去

~ 睇怕都要同棵花講BYE BYE LU...點知棵花又好大命BOR,到而家都仲繼續生,頸位被勒嘅傷口都埋番好,但就留低左個骨櫛係度LOR.

[其實艾先生一路都唔知自己做左摧花手架...直到前幾日我見棵花都應該渡過左危險期我先話番比佢知咋! 我以後一定一定一定...唔會再比佢掂我D花!]

左手邊矮D個棵又點? 仲古怪

,種左咁耐,都係每朝食完早餐洗碗嘅時候就順手淋水,見佢有高有大我就無特登攞佢出黎研究.直到大概一星期前見佢有D傾埋一邊,諗住佢都係搶光搶到向前傾,想轉移轉個花盤方向戥番正D棵花. 一轉個盤:竟然發現條花莖好似佈景板咁~有前無後,條莖單薄到好似D扁身意大利粉咁,我諗一拆走支竹,佢就會冧低埋,攪到而家都唔知同唔同佢換盤好...