拉票活動．．．請多多支持!!!

呢個星期日就係母親節,我無講錯,因為英國既母親節通常係每年３月份,但有時會遲到4月先係(原因係要睇返基督教 四旬期既第四個星期日係邊日). 點都好,而家既母親節好商業化,一行街周圍D舖頭/食肆就會大大張橫額海報提醒你...一定唔會唔知!

上星期同朋友提起想揾間STUDIO影全家福,朋友就話剛剛經過商場有PROMOTION,於是我地就行過去望真下係D乜東東...

原來係一個叫'MAKE MUM SMILE'既攝影比賽,參加者[即係我呢個貪小便宜既C9]就要帶同小朋友做MODEL比攝影師影幾張相,然後佢地會幫我地揀一張參賽.我地就可以有一張FREE PRINT做留念.

揀揀埋埋D相又點決定勝出者(贏出有1,000鎊商場贊助既現金購物卷+500鎊係STUDIO晒相用):D相就放左上FACEBOOK比人投票.
 
我地呢張都算唔錯卦?

謝謝! THANK YOU! MUCHAS GRACIAS! MERCI BEAUCOUP! DANKE!

呢個PROMOTION好聰明,借母親節呢個旗號影張親子相,可以比我呢D寒底C9試下影張STUDIO SHOT既感覺,跟住就話而家BOOK STUDIO有特價,睇完呢張相,我都好心動想BOOK啦...hehehe.

工欲善其事，必先利其器

馬拉糕 RE-MAKE

第一次整馬拉糕,真係一敗塗地...詳程見...

之後都整左幾次:有進步,但係每次都有少少意外...
 
今日又整過,因為...前幾日無端端買左個蒸爐,要剪綵...

其實一個窩都應該夠用,不過就梗係無得咁買啦.個窩都頗單薄,唔通咁樣蒸野快熱D,好D?

ANYWAY,今次試左另一個食譜,唔洗用奶,但就要用3隻蛋咁多.屋企無低粉,又無自發粉唯有用普通麵粉加BAKING POWDER.搬左屋咁耐今日臨開工先發現唔知個電動打蛋器擺左係邊度,唯有用手打!
 
又係幾個小意外,都唔知整唔整得成功...出爐啦...

講真...我幾滿意呢盤糕:因為無用機打,都算發得起,D窿窿都算平均,無話D糖同粉沉底.我見一D食譜提過蒸既時候要用大火,同埋今次用左呢個蒸爐,可以放多D熱水係底都好似有助發起底糕...           

 
卡樂B就次次都要食先...

 
攪好善後工作又要服侍小食...又食!

好唔容易先收得埋碟糕...唔係下午朋友黎到就無得食啦!朋友黎到,身為陪客既卡樂B又打正招牌繼續食,食食下仲話左聲'NICE'添[第一次自動自覺開口講架]...LUM到MAMI想唔比佢再食都唔得...

人日...祝人人豐衣足食

昨日係人日,爸爸每年都會煲粥,佢好似提過人日食粥,有豐衣足食既意頭.我就覺得新年時候日日都大魚大肉,油器糕點不絕...食返一日粥都有助清腸胃啦!

初七我去左SHOPPING,夜晚又約左朋友食飯,所以係今日(初八)先煲粥補返數.爸爸會煲生菜魚球肉丸粥加炒粉麵,我照辦煮碗會分分鐘要我一個食返晒,食到反肚(大吉利是!).

呢個係我既簡化版本 ~ 生菜肉丸粥加蘿蔔糕山

之前一晚浸定果皮,元貝,蠔士,米就洗乾淨用少少油鹽醃好放雪櫃.肉丸就係整煎釀三寶既剩餘物資,所以功夫唔算多.

冷水落果皮,元貝,蠔士,水滾落埋米返滾就轉中慢火煲到D米'綿'就可以落肉丸.肉丸熟左就加生菜(生財!)就食得![我唔多喜歡ICEBERG LETTUCE,所以用GEM LECTTUCE,都好好食,而且無ICEBERG LETTUCE咁大隻(食唔晒要扔)]

呢碟蘿蔔糕其實係今年整既第二底,大致上係跟呢個加入左澄麵既食譜制作.因為我都仲係攪唔清楚點計落幾多水,唯有靠撞,好彩又撞得好好食.

當日出爐時既賣相:         

卡樂B頭圍用膳已經食左D粥,仲食埋飯後果,我開緊餐個陣佢竟然抬張椅過黎坐定定然後指手劃腳要食野.我求祇比啖糕佢食下,佢竟然食WOR.上次比佢,食左一啖就走開啦~唔通今次真係好好好好食? 最後佢同我一齊瓜分左個蘿蔔糕山~早知煎多D啦!