三餸一湯

星期六艾先生話早返可以一齊食晚飯，因為第二日係星期日，卡樂B可以夜少少訓都得，我就係度想：2餸1湯定3餸1湯好呢？見坐埋一齊食飯機會不多，一於3餸1湯啦！

其實一早已經預左2餸：叉燒+黄芽白粉絲煲。

湯。。。有一罐忌廉蜀米湯，本來想留黎整豆腐蜀米羹，但臨急臨忙係中式超市買個盒豆腐有D古怪:個最後食用日期比人搣走左既，都係咪攪 揭揭下MASA既食譜~非常玉米濃湯：剩係要打溶罐湯，加奶煮返熱就得，一試無妨！

最後又整埋韓式泡菜猪肉。

一上檯。。。



艾先生話：你唔記得下昼食左麥當當午餐呀？我都仲飽到上心口呀！

雖然個湯好甜/好滑，但有好大陣鐡味，所以無人鍾意個湯，失敗！

真係整得太多餸，食唔晒!

仲有會唔會再3餸1湯，你話呢？

是日晚餐

五點鐘同卡樂B散完步返屋企先收到PAPI電話話會早D返黎,我地今晚一齊食飯,臨急臨忙...

打開雪櫃,打開雪櫃,有D乜?有D乜?

快D攞晒出黎! 快D攞晒出黎!!

煮埋佢!煮埋佢!!

是日晚餐:

• 叉燒
• 柱侯醬雜菜肉碎煮豆腐
• 清煮黃芽白
• 秘製甜豉油
• 白飯任裝

好彩仲有最後一份叉燒存貨,又有半隻黃芽白...唔係一家三口要叉住一千零一碟餸(仲要係PAPI唔多LI-KE既豆腐...)同豉油撈飯,點得?

卡樂B就開心啦! 有PAPI一齊食飯,食下自己個碗,又食下PAPI個碗,食完仲有DOUGHNUTS做飯後甜品,飽到今晚睡前奶都飲唔晒!

生日/母親節週末...燒叉燒又整曲奇

今年MAMI既牛一係星期六,而母親節就緊接係星期日,我地安排左D外出活動,加上我逢週末/長假期都例牌手痕要整D野食下,攪到有D野想寫都未有時間BLOG, 仲比呢過週末既果醬,豬肉餅遲黎先上岸,趁住重記得補BLOG返先...

• 叉燒: 我諗呢個廣東燒味好多人都整過啦! 叉燒除左醃料,最重要係買到一份靓豬肉. 肥叉好食不過實在不健康,但全瘦又好'鞋',所以一D搭有少少肥既部份就最理想...

係超市見到去左骨既膊頭肉扒,有少少肥,而且切好晒,價錢又唔錯,於是買兩包試試.                            

前一晚就醃好晒D扒,入味D嘛...see you tomorrow!

一大清早就準備入爐!

出爐時係燒得過火左D,似黑炭頭...所以都係影D大特寫好D

一輪小手工剪返D黑炭出黎之後就好樣返D啦.

即日晚飯係叉燒油菜大碗飯.用叉燒燒汁撈飯,卡樂B都好棒場呀!

兩日後,再黎一個燜日本咖哩薯仔叉燒飯,好醒胃

叉燒真係好百搭既菜式,我一定會再整黎食!

• 牛油曲奇: 其實我從來都無整過曲奇架...朋友大力推介既呢個BASIC RECIPE又真係好易整: 牛油,糖,麵粉三樣材料就做到.

最大問題係要用電動打蛋器打到D牛油CREAMY...卡樂B一見我攞個盒出黎就已經喊到唔停得(好醜怪呀...)

停左一陣工,安頓好卡樂B我就鼠返入廚房再開工!今次因為有佢鍾意既兒歌陪住,每次RESTART隻歌仔我就可以有2分鐘時間開機. 如是者走左7/8次就打好牛油糖,落埋D麵粉就做成粉團,搓搓下就整左30幾個曲奇出黎.

入爐15分鐘D新鮮曲奇就出爐

好鬆化,好容易食到唔停得手.不過肯定高卡,少食為妙.

話雖如此...我琴日又整多左一次.我問卡樂B我可唔可以用MIXER,佢好快就話'NO'.我解釋比佢聽唔用MIXER整唔到曲奇,咁我可唔可以用,今次佢好面有難色,唔知點答我啦...