家常老例

其實都係一煲家常老例，今晚覺得特别好飲

蓮藕粉葛赤小豆大扁豆綠豆排骨湯是也！

排骨前一晚出好水，朝早浸定塊果皮/豆，蓮藕/粉葛去皮切好。

今次多料，要用個大真空煲先够煲。

凍水落果皮，水滾就落埋其餘材料。滾個零鐘就坐返落個外煲繼續吽。

下午出完街又攞番個内煲去明火再滾下。。。

飲得啦。。。



有蓮藕/綠豆既香味，有五月節既感覺！

D湯飲到尾，捞埋D煲到溶晒既綠豆/果皮，好似食綠豆沙一樣！

排骨好香滑！

有得飲，有得食，點洗食飯？