消防員制服既顔色，同MAMI（記得）係香港見開既唔同。鮮色D應該好D既！但都有兩SET唔同既，我想係視乎當日任務/性質决定要著邊套啦！
週圍都見到呢D一堆堆既物體，連車上面都有，看似混亂，其實係已經預先套上左條褲既高筒靴，雙脚一插入對靴，揾手一抽褲頭就著埋褲 ~ 平日趕出門口返工都可以試試呢個方法！
開放日又有D小遊戲比大家嚐試操作D拯救工具：
救火喉：係小朋友都鍾意玩水，所以呢個項目好受歡迎。每次一開水喉，就有兩個消防員跑黎跑去做人肉箭靶比人射水。MAMI問卡樂B去玩水好唔好，卡樂B話唔想淋濕消防員，唔玩！
箝：要用個箝攞起隻蛋，當然係唔箝爛為之成功，但原來用少少力都會箝爛隻蛋，呢個唔易玩呀！
坐迷你火燭車：哈！卡樂B竟然唔肯排對，唔坐！
但卡樂B對D真實既火燭車装備就有興趣多D。
除左睇装備就係睇車既牌子！
當然唔少得既就梗係拯救示範。
唯一想玩完又玩既就係MINI GOLF, 仲要玩到出晒猫，擺到個波係洞口先撥個波入洞。。。
今日又鍾意玩手指，一做到五都唔厭！
行行下又够鐘醫肚/返歸，咁又一個暑期節目！
