2010 聖誕雜記

今年聖誕無返鄉下，所以都要擺番棵聖誕樹應下節。

我地砌聖誕樹，卡樂B望左一眼就走開! [攪少陣，當幫忙，精叻呢？] 時間尚早，所以未有聖誕禮物。。。

卡樂B大個左，知道既野多左，當然知道聖誕老人係好野啦！所以我地帶佢去CHRISTMAS GROTTO，佢一見到聖誕老人就即刻走埋去坐大脾，不停同聖誕老人講野，連聖誕老人既招牌對白'Hohoho'都搶埋黎講！

另類聖誕大餐：無火雞！（太大隻，而且我一諗起個樣我就驚，所以免啦！）

• 肉絲羹：即魚翅瓜肉絲羹走魚翅瓜，但今次加入左金針菇。
• CRISPY DUCK：M&S出品，買一盒，放入爐，切好配料就得，唔洗煩！
• 奇瑪咖哩：咁快又登塲？原因係呢個餸大受歡迎。
• 白飯任装。

最唔少得既當然係禮物啦，今年我地依照傳统預備左D食物比聖誕老人同D鹿，（到1月6日3三王節又會再做一次：比三王同駱駝），卡樂B玩到上瘾，成日問我可唔可以比佢預備BISCUITS & CARROTS！

禮物大豐收既梗係卡樂B啦！

一年容易又聖誕

趁有時間同大家講聲聖誕快樂先

聖誕郵票

同好多其他國家一樣，呢度每年都會出一套聖誕郵票，以往既主題/款式都係比較傳统既聖嬰，聖誕樹，雪人之類。。。。哈哈! 不過今年係WALLCE & GROMIT  。。。所以想SHOW比大家睇睇

本地頭等：41p，不論遠近，通常今日寄，第二日收到。

本地二等：32p，隔日收到，但如果係近既就第二日都有機會收到。

寄返香港既最低消費係97p，今年都有聖誕款, 雖然唔够本地頭/二等既設計咁靚。。。

咁鬼CUTE,攪到我都忍唔住手買左D，而家又要諗下寄卡比邊個好。。。