急不及待...

蕃茄開始红了...

 
每日淋水都望下够熟未,今日终于忍唔住要摘啦！

 
第一次收成有10個...差不多一個飯碗滿㗎！

但其實第一個有份食呢D蕃茄既唔係我,而係一隻無左殼既大蝸牛!仲食到成個茄無晒,得返層皮,隻野就寄居左係入面 ~ 太恐怖,所以我無影相.見到咁情形,我决定一口氣摘埋幾個都差不多够熟既落黎,唔好白白浪癈心機!
 
摘摘下蕃茄,又比我見到隻CUTE CUTE既甲蟲,乘機又同你影張相啦!

快高長大，長生長有！

假期前一天，趁有少少時間，幫棵大蕃茄樹修身，其實呢棵樹一直都有花但就唔見果，朋友教剪去D旁枝雜葉，D養份就可以集中D幫助结果。

于是我就很大刀濶斧的，見無花既枝就剪！

一輪修剪後，终于見到第一個蕃茄啦！之前棵樹實在太大太多葉遮住晒睇唔到。

仲發現左原來呢棵樹都成為左一D生物既棲室地。。。打攪左蝸牛先生添，唔好意思呀！

修剪過蕃茄樹後，又幫D蕃茄，魚翅瓜落左一次PLANT FOOD。

我地要外遊一星期，如果日日都落雨就可以放心唔洗理，但望天打卦實在太冒險，幸好PAPI叫左瞵居每日過黎幫D樹淋水。

一星期後。。。

魚翅瓜爬到比外遊前長左一倍有多

 
D藤纏到過隔籬棵不知名植物度！

矮呢棵蕃茄有更多花出左，仲有成3-4個蕃茄變左红色，過幾日應該摘得啦！

 
高呢棵又高左！而且多左成10幾個蕃茄，修左身果然有幫助。

呢次D植物得到公公前期既照顧，又有朋友提點既料理TIPS，看來今年點都會有D成績！