可口可樂聖誕貨車

同卡樂B慶祝生日見到可口可樂聖誕貨車影左幾張相已經好開心啦！咁啱個晚上網CHECK資料個陣居然見到可樂車聽日會係我城喎。。。即刻同柴可夫講準備聽朝要車！

到城時間算早，唔算太多人，但現塲氣分都好熱鬧啦！

 

現塲贈飲CUTE版可樂：原味，DIET，ZERO任擇。輪到你同可樂小姐講就即刻開罐比你，等你唔會袋袋埋埋攞走。。。

一路飲一路排第二條隊：影相！

排緊隊又可以聽下歌。


影完相，可樂小姐會比返張卡比你，過兩日就可以上網DOWNLOAD張相。


其實MAMI覺得等得唔算耐，而且張相可以影到成架車，無路人甲/地中海擋住鏡頭。。。



所以呢個等待係值得既！

雖然之前個日都影過車尾，既然一塲黎到，唔净在喇！輪到我同卡樂B既時候，MAMI本來都無打算同卡樂B合照架。但唔知邊度走左個頭髮長長著住一件颇舊但印有可樂LOGO風褸既大叔出黎話幫我哋揸機[MAMI其實係攞住手機影咋，無用相機N年喇！]亞叔應該係睇到MAMI既表情，於是就話：你唔洗擔心，我唔會攞左你部電話走人既。。。


影多幾張不同角度既就返歸。


後來朋友臨夜先去，話黄昏時段仲灑人造雪添呀！明年有機會再去過！

今年CHRISTMAS SHOPPING都見到D既得意既可樂PRODUCTS，順便SHOW埋啦！


JEAN PAUL GAULTIER + COKE CROSSOVER: 剩買一樽£1.8。不過。。。買兩樽500ml膠樽装DIET COKE（盛惠£2！）就免費贈送！你會點揀？
MAMI都幾鍾意盒聖誕樹吊飾，但唔平。。。

PAPI見MAMI留意埋咁多同可樂有關既物品，都問點解突然間咁鍾意可樂？IT'S HOLIDAY。。。