PAPI想吃的。。。港式炸酱麵

上次返香港病到上唔到機要改機票遲D走，要坐係街邊食都要食！

 

 

返到黎，成日都叫MAMI RESEARCH吓邊度有得食，我地城/BIRMINGHAM既茶餐廳都有得供應，但食過一次又彈三彈四。自此。。。MAMI真係費事再叫佢試第二間！免得攪到又係MAMI介紹錯，日後又比佢鹅！

終於係CHRISTINE‘S RECIPES見到食譜，材料其實唔難揾，做法唔難。


食味方面，我地麻麻地食得辣，所以落少左辣豆瓣，仲加多左糖。


加碟菜，都不失為快手簡單好味既一餐！

自家種植出品！

今年本來乜都無種，但公公每日都係後園清理雜草，翻土。。。其實MAMI都知公公很技癢，想種D植物消磨下時間。

终於有時間+好天，帶公公婆婆去睇下D園藝舖/苗舖。

花多眼亂，種乜好呢？

 

今年唔够時間種瓜啦，種花我都係麻麻地，咁。。。都係想有餐食咋，參考左包装袋上面既介紹，6月都仲啱時間播種，而且個零月就有收成，種菜啦！

剛剛花園一角無舖草皮，唔洗鋤爛塊地。塊地D泥唔係好靚，MAMI又想企理少少，於是買左一個FRAME+WEED CONTROL MEMBRANE隔一個D舊泥。放上新泥就完成左個菜地。

預備好菜地，公公就移植菜苗（19/6）。


菜苗雖然落左地，但都係比較幼弱。公公每日都係用手幾滴幾滴水咁幫逐棵苗淋水，苗高左企唔穩又要加泥企扶番直。。。原來咁多功夫

公公返香港之後，MAMI就日日淋水，菜都大得好快呀（29/6 & 4/7）！


過左幾日，MAMI發現有蟲黎咬D菜葉，好心痛呀！


有網友就教MAMI用辣椒煲水噴上葉度。屋企揾唔到噴壺，唯有入落WATERING CAN當淋水咁落啦！


淋左4日就停/無再淋。同時都見到D菜長得好快，塊田好逼呀！咁辣椒水都算有效啦！


13/7一早起身望吓D菜，有D都起心啦。係時候要收一D黎食啦！影番張收割前先。。。


收成時候。。。


公公話切剩個菜頭會再出葉，咁MAMI又試下啦睇吓係咪得先！

最後收左半斤菜，比蟲咬左唔要得既都唔少呀。。。晚飯一味清炒白菜，味道清新呀！


今年仲種左。。。

2棵蕃茄樹，有3個蕃茄仔出緊。

貪得意又買左一棵士多啤梨苗，有士多啤梨出緊架。D藤仲周圍爬緊，唔知會唔會生多棵出黎呢？

舊年買既無花果，今年凍得耐，5月尾都仲係光秃秃既。公公黎到幫棵樹换左個大盤，加左泥，即刻多好多新葉長出黎呀！但就未見有果。仲有時間，請耐心等候。。。

 

自家出品的粽！

講左N年，今年终於動手！

公公婆婆係香港籌備今次探親行李時就問MAMI要唔要買定D料過黎包粽食。MAMI好鍾意鹹肉粽，但只係識食唔識包。咁。。。梗係要趁有機會偷偷師啦！

其實所有材料都可以係呢度買到啦！MAMI唯一要預備既係鹹鴨蛋。計好日子，40日前要入好樽。今次浸左23隻。

包粽前一日：浸軟/烚一烚D粽葉，然後用水浸住備用。開邊綠豆都要洗乾净，腩肉用五香粉醃好。

星期五MAMI湊左卡樂B返學就可以開工。

睇婆婆示範一次之後就到MAMI自己黎。。。


MAMI好雞手鴨脚呀！婆婆包3隻，MAMI先得一隻。


知唔知邊D係MAMI包，邊D係婆婆既出品呢？

買糯米時仲擔心大包得濟，原來用晒2公斤/3斤幾米，2個鐘時間，制作左25隻粽。

今次因為要烚粽，特别買左一個大煲，用埋個百搭LC煲，分兩個煲一次烚晒！


一路烚一路要CHECK住水位，烚乾水就全功盡癈啦。所以每半個鐘/9個字就加D水入煲，4個鐘後。。。出爐啦。。。


MAMI初初學師，包得唔够實，爆口個D就係MAMI既出品囉。

攪左差不多一日，即刻開隻試試味！


Hmmm。。。公公怕比MAMI話調味調得鹹，糯米淡味左D。MAMI就怕猪腩太肥，揀左盤瘦既，但蒸出黎太瘦，唔够香口。自家醃既蛋黄就好PERFECT。以後可以唔洗係外邊買個D又貴又唔好食既粽啦！

送左一半既粽比朋友，仲有存貨放冰櫃慢慢食。有時間的話，希望可以趁公公婆婆回港前再包多次，PRACTICE MAKES PERFECT嘛！