團購 ~ 士多啤梨園

PICK YOUR OWN 士多啤梨園：個半月前，MAMI同卡樂B已經同DADA去過，OK喎！


呢個PICK FARM離屋企唔洗15分鐘車程，即興想去摘士多啤梨，或者有朋友黎探我地，想做D簡單户外活動，就啱時間/天氣（即每年6/7月既時間），呢個項目唔錯呀！

今次咁啱GROUPON有優惠。一張雙人入塲券，包括熱飲一杯+每人最多可以採摘帶走一公斤士多啤梨。平日係超市買250g士多啤梨都要£2，飲杯茶最平都£1.5啦！優惠價7鎊~即買！趁下午有時間，無乜太陽但又無落雨，就速速開車過去！

今年雨水多又凍得耐，上次6月中去既時候好多士多啤梨都未熟。農塲既人都話就算天氣合時，7月中先會係最當造既時候。

今次去係8月頭：已經就快過造兼要收檔啦！但其實只要比D心機同揀啱塊田，都唔難揾到靚既士多啤梨。今次最落力採摘既係PAPI。


唔覺唔覺都摘左差不多2kg！


但士多啤梨係唔擺得耐同唔迫得埋一齊既。返到屋企有D士多啤梨都壓到凹左，要即刻食！剩返既，都係快快整左JAM最安全。。。


呢個時候最當造既係RASBERRY，但RASPBERRY細粒D，所以要多D時間採摘。MAMI摘左唔多，跟YOGHURT一齊食應該唔錯。


卡樂B又點呢？一話去PICK FARM就好興奮，幫手摘唔够一陣就開始週圍走。最後最想玩既都係BARN HOUSE既TRACTORS，玩完仲好認真咁同PAPI/MAMI話自己要忙住檢查D TRACTORS。。。


有興趣再玩呢個活動既話，明年請早。

奥運紀念品

打鐡趁熱。。。出埋奥運紀念品呢篇先！

早幾個月大量奥運紀念品已經搬晒上架，但當時未有氣氛，都係持觀望態度，未有入貨！


今日奥運舉行左第3日，再行過去望下，有D舖頭開始减價/3 for 2，但款式方面就已經唔齊啦！

大路既紀念品，一定有郵局出既郵票，鑄幣局出既錢幣。MAMI今次無見過郵票既樣，錢幣方面就買左一個£5硬幣。盛惠£14.99!


[其實£5硬幣係英國都係法定流通貨幣，SIZE係就係大DD （一個大樽念慈庵琵琶露樽蓋咁上下大啦！）但好多人都寜願用個D霉過梅菜既£5紙幣都唔願袋過£5大銀！MAMI係呢度咁耐都係收過一次咁多！但年年鑄幣局都有發行架，仲話好想多D人接受£5硬幣。。。]

ANYWAY，講返呢個奥運£5硬幣：圖案係倫敦市既地標建築物，£5呢個SIZE就可以望到D DETAILS。呢個有封套既收藏版話係鑄得靚過係街流通個批GOR WOR，所以要收貴D。（但又無平架普通版賣WOR！）

另外，先一輪新聞話鑄幣局加鑄左好多奥運50p硬幣！原來話呢度好多人鍾意儲50p硬幣，而奥運呢套有29個項目既圖案，好多人一見到有就收埋，所以市面好難揾到。

自己有咁好彩/有辦法揾晒全套既話，成本唔洗£15！仲可以係鑄幣局ORDER一個免費ALBUM入好做私人真藏！

唔想浪費時間大海撈針，可以同鑄幣局買呀！每個£3，全套£90有找，單個買/成套買都得！MAMI考慮左好耐，都係唔買啦！（第日窮到燶既時候都係當面值50p咁洗。。。咁未蝕錢？）


呢幾架車仔係。。。MAMI既！同卡樂B解釋左好耐佢先明白有D野係MAMI既=/=係卡樂B既。如果唔係，D盒一早就會被拆到甩皮甩骨。。。

可口可樂同麥當當同時都係今次奥運既大會合作伙伴，好順利成章地要攞到奥運版可樂杯，就要幫趁麥當當。

杯身既圖案係一樣既，唔同就係個6條唔同顏色既WRISTBAND，上個星期開始每星期送2隻色。加錢買一份大號餐就免費送一隻。如果唔買大號餐，就咁用£1.49買一隻都得！不過。。。普通餐同大號餐相差無£1.49咁多。。。真係迫住要食大餐！

[Source：mcdonalds.co.uk]

同時間。。。樂園餐又送奥運吉祥物玩具！全套10款，好似都係每星期兩款。有幾款造型都好靚下，MAMI想儲呀！但一個星期最多只可以食兩次麥當當。於是MAMI又問服務員可唔可以另外買多一個，答案係得！每個99p。真係好啦！


呢D都係好大眾化既紀念品，如果想要D獨一無二既MEMORABILIA，可以參加競投奥運用過既一D物品：包括各項球類比賽中用過既波，參賽選手親筆簽名照片，各塲比賽成績紀錄纸，奥運火炬棒等等。有興趣又不妨睇睇！

奥運的氣氛

電視直播奥運開幕禮，MAMI ENJOYED左MR。BEAN好幽默既表演之後，都無乜興趣再睇啦！想起呢篇BLOG開左頭，未埋尾，拿拿臨趕工埋尾先得！

奥運今年係倫敦舉行。今年攪左，睇怕最快都要過半個世紀先再有機會再辦奥運，所以MAMI本來都好想參與一下呢件體壇盛事。但PAPI對體育無興趣，無理由自己一個人帶住卡樂B去到倫敦睇比賽咋！知道奥運聖火會經過我地城兼留一晚，市政府係公園攪一個PARTY迎接聖火。免費入塲！MAMI一早BOOK左入塲券，希望可以親眼目睹聖火接力呢個重要時刻啦。。。點知。。。聖火到城當日落大雨！雖然下午停左雨，但咁SHORT NOTICE叫柴可夫PAPI接送？好過份囉！加上剛剛停雨，公園草地一定好濕，想起去完成鞋底都係泥要清理。。。唔去就算啦！

今届奥運既OPENING CEREMONY好多人都話好有文化氣息，睇返MAMI同卡樂B參觀既一D打住奥運/LONDON 2012招牌既活動，都真係有唔少係同文化/藝術有關既架。

1） 聖火到城前一星期，市政府就邀請左JULIAN BEEVER（街頭立體畫畫家）作一幅畫紀念呢件盛事。平日JULIAN既作品都係即席畫係行人路上面，但今次呢幅作品係會永久放置係公園度作紀念，所以係畫左係磗塊上面。

我覺得：我想係要貼題啦。。。可以發揮既想像力有D限制咁。。。呢幅作品都有JULIAN好擅長既立體構圖，但比起佢其他作品就唔算好突出。

2） PATCHWORK PLEDGE呢個活動年幾前都已經展開左，鼓勵不同社區團體參與一個编織活動，織好左手掌大既四方格就會拼貼埋一齊，公開展出，為2012奥運留低一D見證。

行到入去見到週圍都掛滿晒5顔6色既四方駁布感覺好開心呀！


3） LIONHEART PROJECT都係一個用鈎針編織的藝術創作。靈感來自RICHARD THE LIONHEART在位時起用國徽上面既3隻獅子，鈎織用既毛綫係用本地特產既羊毛織成。所以作品係融合左英國歷史同本地工業既傳統。



大家睇左奥運會唔會都想做下運動呢？想既話。。。可以考慮呢D:

1) PING LEICESTER：城唔少公共地方都擺放左乒乓球檯比大家切磋下球技。波板/乒乓球都齊晒（難得既係D板同波都仲係度，無比人攞走！），够脚就打得！但今個夏天唔係落雨就刮大風，加上MAMI隻'鐡脚'卡樂B其實係唔識打既！成日都係追波/執波。。。都算做左運動啦！


2）   FREE SWIM:：煤氣公司BRITISH GAS呢幾年都有贊助英國游泳隊，又會舉辦活動推廣游水。今年攪左FREE SWIM，只要上網登記就可以係屋企附近既游泳池免費游水（通常係可以去一/兩次）或者以特價買幾次入塲費或者參加游泳班學游水。MAMI都趁機會登記左去免費游水，順便又可以參觀下其他泳池/HEALTH CLUB既設備嘛。。。最大既得著就梗係暑假多一個節目！


3）   SHOPPING：要行，要擔擔抬抬，所以SHOPPING都係運動之一！政府見大家忙住睇奥運，特别係奥運同PARALYMPIC期間放寛零售業既营業時間：唔單止係倫敦，全英倫同威爾斯既商舖都可以係星期日延長营業時間到最夜晚上9點。MAMI見自己城既舖頭有D就會開早D（9-10點左右），黄昏6點收舖。MAMI想大家其實都慣左英國星期日早收舖架啦。我地呢D細城邊到揾班奥運游客‘夜媽媽’黎SHOPPING呀！6點鐘收舖都算好合理。

SHOPPING SHOP到悶，大家又可以係城既大電視度睇下現塲直播。係屋企可以用MULTI-SCREEN揀自己想睇既項目，呢度跟大台播，畫面就跳黎跳去，MAMI第一日坐低睇左20分鐘：游水，扒艇樣樣睇少少，但都好好彩地睇到今届第一面金牌誕生既幾分鐘。卡樂B呢：跑黎跑去，又去訓CUSHION（第一日開鑼，新椅/CUSHION，第日再黎咪洗旨意再訓呀！），又同英國游水隊既當紅選手合照。。。心情興奮呀！


暑假適逢攪奥運呢幾個星期，相信大家就算要返工，心情都會有D懶閒。。兩年前世界杯公司係一間房開左部電視比同事休息時候睇波，今次奥運做埋主辦國，應該都有得睇呀？