Almalyho 卡樂B媽咪

Monday, 16 March 2009

海關篇

911之後,出入境真係煩過梵帝岡...以前一個人,習慣TRAVEL LIGHT,就算咁唔好彩比D呀SIR,MADAM抽中要DETAILED SEARCH都無所謂

. 而家我自己都仲係TRAVEL LIGHT架...不過我嘅HAND LUGGAGE ALLOWANCE就全數奉獻哂比卡樂B,當然仲要做埋苦力幫佢担担抬抬啦...
而家呢度仲凍,又要行去停機坪上樓梯上機,所以未上到機之前我地都仲要隨身帶住所有御寒衣物,加上BB車,2件手提行李,1袋糧食...似足走難咁.

過海關時又要除呢樣個樣放落膠盤過X光機,艾先生付責抱卡樂B

,我就ARRANGE所有物件過機.隔籬條隊有個亞太就幫我如數家珍咁報告[比佢老公知

]我帶左D乜藥水,乜野食上機...攪左不下成個字,先放好7-8盤野,不過部BB車又唔洗過機BOR

我覺得自己塊面已經打哂"格仔",海關MADAM見我地有BB同行,當然邀請我去試食啦

~一見卡樂B個樽500ml果汁就話太大樽

,叫我如果有奶樽就入返D上機用[咁卡樂B要飲奶點算呀?],其餘嘅要留低...我有D唔忿氣,想企係度飲哂佢架!最衰艾先生都唔幫我,話镑零銀,留低算啦

...

回程時過西班牙海關,情況不相百仲...仲要去到X光機面前先話要成部BB車過機!等我又要LEI哂HEI咁去摺車,機嘅另一邊D盤又出緊,又要話比關員聽我地帶左BABY FOOD ＆ DRINKS

...最後竟然係乜都無檢查WOR

!!!早知就唔洗喺出邊開定哂奶啦,簡直成壺熱水入都無問題[我係咁諗JA...

]

一輪衝風的入了閘後...百無聊賴地等上機,背景係我嘅專機.

講開帶熱水入閘,艾先生就問左守閘個位小姐,小姐話係唔得嘅,如果有BB同行就可以帶一個吉嘅熱水壺,入閘後問餐廳拿熱水上機. ANYWAY,我地事前唔知,冇帶熱水壺...但我地入閘後又真係要開奶BOR,所以我就拎住個奶樽去餐廳問要D熱水,點知佢話唔可以提供熱水比我開奶WOR

原因係HEALTH & SAFETY REGULATIONS

佢地試過比人告話有BB飲左個D水病WOR! 最後我話:而家我要ORDER一杯茶,請你將茶包分開上. 承惠£1.45

先有熱水開奶... 熱水JE,洗唔洗咁複雜呀

愉快的旅程

嘩...朝早三點半比MAMI叫醒

,本來我好唔老例架. 但見到有奶飲, PAPI,MAMI又四萬咁嘅口對住我

,我就歎完支奶先睇下有乜下聞

...

落到廳,點解有幾隻行李喺度嘅? 我張PLAYPEN都摺埋左嘅? 記得啦! 係返鄉下探親嘅日子!

PAPI,MAMI騰嚟騰去咁就搬哂D行李出去LU,到最後就連我都搬埋出去,咁我地就正式出發

!

我就趁個20分鐘車程小睡左一陣,去到飛機場LU! CHECK-IN,入閘...好似好多野攪咁BOR...我都無乜野可以幫到手,我諗我乖乖地唔摟計就係最大嘅幫忙啦

!

原來搭飛機咁好玩GOR WOR: 你知我對腳仔幾痕GA LA? 好彩上機前有鋪頭可以行下, MAMI仲買左果汁比我飲添呀!

上到機...本來我地三個人坐兩個位嘅,另外一個位就坐左個嬸嬸,但臨起飛前,空中小姐叫嬸嬸坐前幾行,等佢可以同伯伯一齊坐. 我地就好幸運地可以一人有一個位

.我好鍾意玩起飛呀!可以同MAMI扣子母安全帶 ~ 不過我個條靚D,橙色嘅!

架飛幾攀升緊個陣有少少氣流,我覺得好玩過平日PAPI拋起我好多,所以我笑到咭咭聲,比坐隔籬行個姐姐笑我

...

一輪興奮過後,到我小睡嘅時候LU,其實我咁早醒左,一直撐到七點幾已經好叻GA LA...DO NOT DISTURB

...

有自己嘅特定坐位,臨訓前又換左片片,我訓得好舒服,個半鐘咁就過左. 咦!MAMI話又要帶我去換片片WOR(仲話已經係第二次辦大事添,希望MAMI帶夠片片啦...

)

訓又訓夠,茶點又食埋,做乜好呢? Hm...等我同D隔籬左右SOCIAL下先...我嘅前排有個靚姐姐

,大我唔夠兩星期,所以我地好啱傾呀: DA,DA,DA 來,MA, MA,MA往咁,傾到雞啄唔斷

... 扒前傾得太耐,挨返後休息下先.

向後一望,有個嬸嬸望住我,咁我就同佢玩捉手指LOR,佢竟然同PAPI講想

我WOR! PAPI即刻坐返好睇實佢

...

就係咁,我就喺吃喝玩樂中完成左我嘅第一次空中旅程, PAPI, MAMI都好奇怪點解我BEHAVE得咁好

回程個陣又點呀? 有左經驗,我當然係越做越好啦

...

一起飛就SLEEP MODE

好不幸...好夢正酣之際,比前排個哥仔嘅尖叫聲嘈醒

唯有睇下窗外嘅風景解悶

我仲學識扣安全帶添呀!

坐我隔籬個位仁兄同我搭訕...

唔記得帶報紙上機，唯有黐呀仁兄嘅睇睇...

食埋份MAMI為我準備嘅飛機餐就啱啱好夠鐘落機！

搭飛機真係忙, 連玩玩具嘅時間都冇, 下次可唔可以坐耐D呀

？

Sunday, 15 March 2009

我最憎打針!!! ~ PART II

一星期無驚無險咁就過左 ~ 其實仲好快活添:因為返左鄉下探親

,而家我地終於要面對呢一針帶來嘅反應...

卡樂B就喺返鄉下返嚟第二朝開始發燒

,朝頭早都仲好PLAYFUL架.飲左奶就小睡(都成2個鐘!) 午餐就唔肯食啦,淨係一杯乳酪就算.不過一比水呀,果汁呀佢就飲好多...飲到D片有成磅重!所以都唔太擔心佢脫水.晚餐食左粥仔...嘔返出黎

但係訓就認真麻麻啦,訓個零鐘又醒,又要成晚'暗'訓,抱上抱落床仔,大床...訓到朝早4點幾就醒哂,攪一大餐餵葯,換片(佢竟然一大清早辦工

...),'暗'訓...到6點幾7點先訓得淋返D,但8點幾又要起身...
之後,佢成日都好TIRED咁,要我拖住佢巡屋,午餐食得好少,又好眼訓 ~ 不過佢寧願企住係我身邊啜手指闔眼訓,都唔肯自己訓...最後上左床仔半粒鐘又比電話響嘈醒...醒左竟然對住我講"奶奶..."! 嘩!...佢咁大個仔都未開過口話要奶奶架,拿拿臨開左比佢飲,又比左D餅佢食...不過我陪佢巡巡下屋佢又嘔

唉...屋企得我同佢,我地兩個都要換過哂D衫褲鞋襪...真係想生多對手出黎幫下手.

早時候見D燒退得差不多,就唔比退燒水佢食啦,點知到黃昏又高返...又要比返退燒水,仲要開窗,較低暖氣,幫佢"剝光豬",等佢涼D.其實好驚佢凍親架,不過呢度D媽咪FRIENDS都係咁教我做嘅,唯有試下照做LOR...

當晚卡樂B當然又把握機會同我地同床啦,佢就涼浸浸,我地就凍到震...一夜過後仲係微燒,我餵佢食飯時都仲好驚佢會再嘔,SO FAR...TOUCHWOOD