5嵗大啦！

12月頭做完卡樂B既生日慶祝活動，跟住就係一連串既聖誕活動，所以呢個5嵗生日BLOG POST都要遲咁多先出。。。

*****

眨下眼又一年，卡樂B5嵗啦！

今年當然比以前更加知道壽星仔有乜好處啦！

好耐之前就開始同PAPI/MAMI講要乜生日禮物。生日前夕就話定要早D起身收禮物。PAPI/MAMI問邊個會送比你呀？唔好以為我地一定有買喎。。。佢諗左一陣，就話邊個邊個EE個份囉！咁。。。PAPI/MAMI可以慳返！！！


某日，佢突然問MAMI有無INVITATIONS要派比同學仔。。。因為有同學仔請過佢去生日會，佢以為係生日就要SEND INVITATIONS。。。邊有咁即興架？梗係無啦！


係學校點慶祝？放學前，壽星仔有生日帽戴，同學仔會一齊唱生日歌，臨離開課室卡樂B就派每人一排朱古力！有無見到卡樂B下巴有條紅印呀？唉。。。卡樂B食完LUNCH係操塲玩既時候跌倒呀，下巴/手背都有擦損，生日流流跌親，好心痛呀。。。

屋企人丁單薄，費事晒錢買一個蛋糕啦，去餅店一人揀一件自己鍾意既CUT CAKE唔洗食剩！不過都一定要整支蠟燭！


之前，卡樂B又同我地講生日個日要去 XXX [屋企附近既中式餐廳]食晚飯。其實：佢剩係想食炸蝦片咋！原來係咁。。。EASY啦！

結果，為左要報置聖誕樹，外賣返黎屋企開餐！

生日既重頭慶祝活動，係週未去吉百利朱古力廠！是的！皆因兩仔爺都上左瘾。。。又話聖誕期間可以去GROTTO 見埋聖誕老人喎。。。結果GROTTO太多人，最後都無排隊就走左。。。

今次PAPI無上車？當日勁多人呀！PAPI真係有D CLUSTROPHOBIC，半路逃走左！得番MAMI同卡樂B繼續參觀。。。


去玩朱古力廠，返到BIRMINGHAM撞到可樂聖誕貨車，總算見到SANTA啦！[好好彩地，架貨車跟住個日停我城。。。我地又去玩多一次！]




希望來年卡樂B繼續開開心心過每一日！

 

LAKSA

好耐都無乜整野食。原因係無人陪食。

LAKSA恨食左好耐，我城梗係無得食啦！揾食譜自己整，一睇：剩係個湯底用料MAMI已經話：算把喇。。。
上星期去唐人超市見到湯底有OFFER，忍唔住又望下點整。思前想後。。。终於買左兩包！

一望COOKING INSTRUCTIONS，魚蛋幾粒/魚片幾塊/2隻原隻KING PRAWN/芽菜幾條+莞茜/紅辣椒仔GARNISH。。。樣樣少少。煮一人前真係好大工程。

其實最恨食既係個湯底！所以今晚兩仔爺决定食PIZZA既時候，MAMI就决定整一個慳料/懶人版比自己。

今次剩係用雞肉。米粉：因為臨急臨忙想整，用左鬼佬出產既米粉（牌子係淘大，但香港應該係無出黎賣既！）豆泡：唐人超市一買就好大包，MAMI又鍾意食，落多D！芽菜：買一包今日用少少，其餘既留返聽日STIR-FRY。湯底：一包可以做5個人份量，MAMI唯有開左用樽入好，分幾次用~即係話未來數日都要密密煮/密密食。

 

唔洗自己熬湯底，又做慳料/懶人版，呢個LAKSA又真係唔難做呀：湯底加熱水煮溶，加椰汁煮滾就可以落米粉/肉類/豆泡。雞肉切得薄仲可以直接放落湯度滾熟！好快就起得，排上碗之後就可以放芽菜，等湯既熱力浸浸D芽菜，加埋莞茜装飾下就食得！


PAPI見到碗制成品就話：望落都好似好NICE WOR！MAMI一時開心得濟就問要唔要試一啖。PAPI試左：NICE！但隨口就問埋：有海產架？MAMI先醒起個湯底係有D魚/貝類產品熬成。。。唉。。。MAMI真係要記得以後唔好再OFFER任何含有海產類制品既食物比PAPI。。。

COSTCO

一路都有朋友話COSTCO D野好抵買，公司其實係WAREHOUSE形式，主要做批發/比舖頭入貨既生意（TRADE MEMBER)，但都開放比公眾/個人（INDIVIDUAL MEMBER）入會。不論邊種會籍都要交年費先可以入去買野。最近MAMI既COSTCO都要去到BIRMINGHAM，成個鐘頭車，買唔到野PAPI又會話油錢都蝕埋。。。

不過。。。望左幾年。。。某日搭車經過某地方見棟左個牌話COSTCO就黎開幕，過幾日仲係MAMI去開個SHOPPING PARK開左個檔口趁PRE-OPENING踢人入會添！

PRE-OPENING入會梗有少少著數既：當日入會即交年費£30。送£20現金購物券 [即係今年年費只係£10! ~ C9最叻就係度呢D似是而非既數口架啦]

入左會，又有£20現金購物券，當然要去睇下有乜好買啦!


寄會員卡黎既時候仲送左入會禮物VOUCHERS: 35樽礦泉水/18隻走地雞雞蛋/免費驗眼。自己去開買野就可以攞貨埋。但MAMI竟然唔記得攞！

卡樂B入到去第一句都係話：真係好似WAREHOUSE！陳列貨品一款一件，其他既全部包到實，自己鍾意邊件就抬邊件啦。。。


咁COSTCO有乜係啱我呢D C9買呢？

其實。。。屋企要食用既，呢度都有得賣。但數量就一次要買多D。第一眼望到既價錢好吸引架，但要留意計左VAT未。唔係既話，買貴左就唔抵啦。。。


食品方面：BAKERY 賣既蛋糕，個個都10寸大，牛角包一盒30隻，肉類一份起碼1-2kg，家庭装粟米片一PACK3盒，大家庭/開PARTY就PERFECT，我地得兩大一細，睇怕食到過期要扔居多。


不過：雪糕 (1PACK12杯）/果汁（4盒1公升）又真係好抵！但買之前要記得雪櫃/冰櫃够唔够位擺囉！


家品部MAMI就好鍾意呀! 洗潔精/廁紙/厨房紙呢D，無過期架啦，一次入多D貨都無妨。

呢度就連衫褲鞋襪都有得賣：有D仲係品牌貨式添。


媽咪帶住卡樂B行到攰/肚仔餓，點算？有CAFE，食物價錢唔貴，當然不能有期望。


呢餐唔洗3鎊。PIZZA一件大過MAMI手掌，塞得飽個肚，但唔好食囉。。。CHURROS（西班牙油炸鬼）：MAMI只係為過口瘾。汽水：80p無限添飲，要一杯其實頂盡都係REFILL一次，但都算好抵！

之後仲買左一杯軟雪糕比卡樂B，係麥當當新地2倍既份量。。。難怪卡樂B話鍾意黎COSTCO多D

最後，MAMI買左乜呢？


牙綫：平日减價/OFFER最平都要£1.5/盒，呢度1買6盒，每盒都係£1.0X咋！
SEBA MED：係香港用開，但係英國要上網先買到，所以都無用好多年啦。呢度見到就買番樽看門口啦！
洗衣液：用左好多年。舊年超市特價入左成年貨之後就瘋狂加價。買唔落手。AMAZON本來訂左貨但又無貨。係呢度見到大桶装，即買兩桶（170次份量！！）去到埋單，買兩桶又减多£5，MAMI簡直開心到暈！
BABY WIPES：唔洗£1就有一包。
GALAXY HOT CHOCOLATE DRINK：卡樂B早餐必飲既熱飲。一次買1kg装，比係超市買細罐装平一半有多呀！

臨走，攞埋下兩個星期既COUPON BOOKLET，見到有啱買既就預時間下次再去囉！