MAMI, BE HAPPY!

這是昨天發生的事情：

開飯時間，MAMI提醒卡樂B要WEE WEE才食飯，卡樂B話自己無WEE WEE。。。

差不多食完飯。。。卡樂B自己走左出去，返轉頭時就已經行到交叉脚，MAMI即刻帶去廁所，但當然係已經太遲啦！

朝早先洗左琴日掛住玩整濕左既一套衫，而家又黎？？？MAMI唔面黑就奇啦！

卡樂B知衰架 ，仲知道要MAMI開心返自己先會甩難。而係佢心目中，開心就係要有個樣睇既，所以MAMI一面黑，佢就會講佢既口頭蟬：MAMI，BE HAPPY! SMILEY FACE PLEASE! 然後就會自己做埋個SMILEY FACE 叫MAMI跟住做！

MAMI無佢咁好氣，就話‘要MAMI HAPPY，就要返埋檯食埋D飯！’於是卡樂B就坐返埋位食埋少少飯。

食左飯，甜品時間！自己揀左YOGHURT坐低自己食。MAMI去洗碗，一路就提醒住個仔唔好心急，慢慢食，唔洗‘筆’得太大羹。。。

洗完碗出黎。。。

卡樂B坐左係度唔郁，但就見佢隻手係揩揩下落件衫度。MAMI行埋D先見到件衫滿晒YOGHURT。唉。。。無氣啦。。。

MAMI一句說話都無講 ，呢個仔心驚啦！咸晒口 ，但都仲盡最後努力係咁講MAMI，BE HAPPY！SMILEY FACE PLEASE！加埋個咸晒口既SMILEY FACE叫MAMI跟住做！

卡樂B見MAMI都仲唔出聲，又要加碼：行埋MAMI度要CUDDLE 。

D手指黐立立，MAMI梗係唔想比佢摸啦！MAMI話：NO STICKY HANDS!

卡樂B話：THEY'RE NOT STICKY HANDS！ THEY'RE SCISSORS！[仲係喊緊，但隻手就扮埋交剪配上自創既交剪聲！]

MAMI嬲緊都爆笑左出黎！

一路帶住卡樂B上冲凉房，MAMI就係度一路用廣東話自言自語呻佢點曳曳。

回過氣後，MAMI問卡樂B：DO YOU KNOW WHAT MAMI IS SAYING? 卡樂B答：CHINESE。。。

成日都咁出人意表。。。MAMI點嬲得落呀？

奸計又一次得逞。。。

聚舊

3年前，一位失散多年既大學同學係FACEBOOK揾到我！

那時候的PROFILE PICTURE很模糊，LOCATION又唔係香港，又抱住個公仔咁既卡樂B，咁都揾到我，證明大家有缘，即刻ADD返做FRIEND呀！

全靠呢位同學，我地一班舊同學藤帶瓜/瓜帶藤咁都陸陸續續係FB相認返。大家耐不耐都會係FB講下野，傾下計。

今年同學回港放暑假，同其他同學提起我! 剛剛另外一位同學正計劃暑假歐遊，仲話可以順道相約見面，探探艾氏一家！

MAMI接到呢個消息，真係開心到飛起！

其後，又有另外一位同學同屋企人又係呢個時候來英國玩，所以MAMI就安排左一個越洋聚舊。


咁多年無見，其實只要有張檯櫈坐低，大家都可以雞啄唔斷講一日。但同行既小朋友友又點算呢？唔可以悶親家嘛！咁。。。不如一齊去CADBURY WORLD啦！

[係CADBURY WORLD做乜/玩乜，呢度有講！]

去完CADBURY WORLD，一位同學要趕火車繼續旅程，MAMI就同另一位同學揾地方坐低，飲杯野，繼續傾，順便比卡樂B休息下。呢個小朋友本來落左火車都攰到唔肯行，但一去到CAFE未坐低，就已經問定個WAITRESS有無雪糕！食完雪糕，卡樂B又再充滿力量，小睡都唔洗！

坐低傾到咁上下，艾先生都收工兼且到左酒樓。我地一行人又移師到酒樓。

都係家常便飯一餐，我地揀左既味簡簡單單既餸：叉燒（好樣衰，無影！），咕噜肉，金銀蛋波菜，煎瓤3寳，煎大蝦，鐡板鹿肉，炒飯，炒河粉。


MAMI就同同學繼續傾傾傾/食食食。最後都係食唔晒，連甜品都擺唔落。

晚飯過後，又要分道揚鑣。同學一家去火車站途中遇上左近日既暴亂，好彩有驚無險！但山長水遠黎到比D咁既塲面比人睇，真醜怪！

想當年，大家雖然同班，但都分别有自己一黨既同學/朋友。所以我地兩個都從未真正傾過計！畢業往後既5/6年，大家既工作圈子唔同，MAMI又無參加過聚舊活動。後來仲嫁雞隨雞咁搬走埋。但咁多年後，多得FACEBOOK，機缘巧合，大家又有機會見番面。好有走左一個大圈返返黎既感覺。

聚過舊，大家當然要保持聯絡呀！

CADBURY WORLD

今次聚舊既其中一個項目係參觀呢個以朱古力為主既旅游點。我地一行8人去，都唔算人少，入塲費都山大斬埋有柴，MAMI就周圍揾下邊度有優惠啦！結果係EBAY揾到大人全費/小童免費VOUCHER，攪掂左全團3/4人既入塲。卡樂B唔洗入塲費，MAMI就揾左另外一張成人8折入塲既VOUCHER。咁就大家都可以慳返少少錢！

吉百利世界係室内景點，基於安全理由，要好嚴格控制塲内人數，去參觀就要預約入塲時間。如果WALK-IN，就要等到有QUOTA先入得，[暑期旺季，WALK-IN要等個零兩個鐘架！]

够鐘就可以開始參觀。工作人員查左飛，就每人派2排朱古力。


朱古力到手，小朋友們就即刻開動！邊食邊看展覽：可可係點揾到既？朱古力係點發明既？吉百利家族又點樣經营呢盤生意。



到左包装部，又有朱古力派，今次派DAIRY MILK，努力，繼續食呀！ 包装部係參觀唯一可以見到既廠房部份，但唔准影相架！大家就跟住一條長長既走廊望到D朱古力係輸送帶經過，包好，入盒。


跟住去CADABRA （坐車仔）,望下D MINIATURE佈置。上車前講左見到有鸚姆就望鏡頭笑笑啦，點知個個都東張西望，掛住影相。。。哈哈哈



跟住係朱古力造型示範區，可以摸下個暖暖既朱古力罁，又可以見到D技師同D朱古力装身。



卡樂B一見到，就話要買比DADDY做禮物！呢個係實心，唔係空殼黎架！所以都重重地架！



未食够既朋友，可以試食朱古力漿，卡樂B當然唔會放過任何食朱古力既機會。今次仲食左兩次！



下一個部份係ADVERTISING AVENUE，精選左咁多年既吉百利廣告擺返個SET/放D片比大家回味下，D擺設全部都係啡色，望到MAMI眼都朦晒!



接住就係去遊戲區：可以玩好過瘾既彈叉，彈既唔係石仔，係CREME EGG。



又可以係用投影機玩抛波，擺POSE。



卡樂B最鍾意扎扎跳，所以玩呢個GAME玩到唔肯走！投影朱古力浆PUDDLE，卡樂B唔發晒狂踏就出奇啦！成排朱古力投影左係塊地度，大家就努力跳，要DUMP碎晒D朱古力為止，ROSES朱古力落到黎，都係要用脚踩開包装纸。好幾經辛苦先拖到卡樂B離塲。



行左差不多3個鐘行晒個室内展館。

時間/天氣關係，我地唔可以出去户外游樂區玩。



另外，吉百利家族經营朱古力廠，亦一手一脚建立起BOURNVILLE呢個社區。吉百利世界既單張都有介紹呢個社區設施既位置，例如：學校，男女分開既悠恬塲所，球塲，教堂，浴室等。員工宿舍仲係當年流行既ARTS & CRAFTS風格。成個社區就係一個模範村，後來好多新發展社區係參照BOURNVILLE開發而成。所以，户外都係好值得行下既地方。


午飯時間，個個小朋友都坐定定開餐。

開完餐，就去買返D手信返屋企。最後，卡樂B揀左朱古力售賣機（好似話係比DADDY既禮物）



MAMI其實幾年前都黎過一次，今次再黎都無覺得悶BOR，因為都唔記得晒望過D乜，再去感覺一樣新鮮/好玩！