揾個肥佬.過個肥年

12月22日一早起床(未夠9點),開電視裝下有乜睇,原來現場直播緊聖誕彩票大抽獎[西文俗稱 El Gordo ~ 中文譯做大塊頭,肥佬]...

每年聖誕節西文老師都會介紹呢個瘋魔萬千西班牙家庭/工作單位嘅大抽獎活動,買張獎券都成為好多人準備過節一定要做嘅一件事...因為一中獎,真係可以解決好多好多問題(尤其今年經濟唔好,好多人都有財務問題),真係揾到個肥佬,過個肥年,分分鐘仲可能下半世都唔係憂...

派彩辦法頗複雜,不過玩法就簡單啦!一家人或者公司同事夾一筆錢買幾SET號碼就得,一張大票要成200歐元,夾份就可以有多幾個號碼,漁翁撒網,多D中獎機會,有錢大家分[話說某年,西文老師妹妹病左,返唔到工夾錢,點知公司張票中左獎,所以...好不幸地全公司就得佢一個人無錢分]

以我所見,開獎當日有好多監場,公証員檢查所有抽獎器具,D彩珠就好似串魚蛋咁串好比D監長檢查好先放落個攪珠機.鎖好攪珠機就開始抽獎.

攪珠機有2部,一部抽派彩金額,另一部抽中獎號碼.

根據傳統,會由2個來至馬德里市一間學校嘅學生負責攞中獎彩珠出黎.

學生會'唱'出結果(有D似以前澳門玩TOMBOLA)'唱'完就串粒彩珠落支長魚蛋叉,叉滿一盤又要比監場CHECK.   

就係咁...一路抽,一路唱,抽抽下又換下個魚蛋盤,又換幾批學生接力'唱',D獎金就越抽越大,到差不多中午頭獎就出現啦!

今年我地無份中獎,因為彩票最遲12月頭就要買定...明年請早

多事的12月...

過去左嘅12月實在發生太多太多事,忙得要死！荒廢左個BLOG...

12月頭: 全家上下續一病倒。。。

突然間又要搬屋：一下子無晒電視/DVD,電話,電腦/上網,全屋大混亂...樣樣都"拿手唔成勢"

攪到卡樂B生日都無得好好慶祝 ~ OOPS!!! 啱啱先醒起買左生日卡都唔記得左比佢

聖誕節又一早訂左平價機票返西班牙探親,無得改期,剩係可以揀飛/唔飛...唯有照去照飛啦!

返到黎, 好凍好凍好凍...仲發現個BOILER死左,ENGINEER[已經好好人]大除夕黎CHECK,話要換配件先得,但SUPPLIER要年檢,點都唔肯出貨...要等到星期三先落到貨同有時間黎再攪埋...而家唯有用住2個陳年電暖爐暖住客廳同睡房. ENGINEER又即刻比左4部暖風機擺係廚房,廁所要用先開,其他地方就閒人免進...希望星期三一切生生性性,唔好再有其他不測...

現在屋搬左一大半,仲要揾時間返舊屋攪埋D首尾,新屋都仲有大把野要執.加上一隻好纏身嘅卡樂B...睇怕都要3~5~7個月先有機會完工.

最後~係到同各位BLOG友講聲SORRY,一路都無時間多謝你地比卡樂B嘅生日/聖誕/新年祝福.

希望大家

今年樣樣好過舊年

一家上上下下

平平安安

健健康康

2歲大啦!

今年點慶祝? 去片...