IKEA CHALLENGE

客廳既SOFA/ARMCHAIR：


PAPI投訴左好耐。。。話當年唔知點解會揀呢套咁紅當當既顏色？[唔好問我呀。。。當年我未係你老婆]

成日又度黎度去，點攪卡樂B間房好。。。

其實MAMI平日得閒都會攞住本CATALOG，上網睇下款，度下SIZE，發下白日夢要點樣改頭换面架啦。。。

但落舖行下，有件實物摸下好D。於是復活節假期去左IKEA。

睇下，坐下，有乜唔清楚又可以即刻揾人問，真係容易揀好多。所以當日我地都决定得七七八八買邊幾件架啦！

行完返屋企就即刻好認真咁度尺，睇啱既SOFA都擺得落。

係呢度既IKEA買傢俬，通常係自己去倉抬上車仔，比錢，即日抬返屋企。

ERH...你地去抬啦，我係度等！

但自己無貨車，點好呢?

方案一：買左，去送貨部安排DELIVERY [同店員CHECK過，應該收£85-100運費]。通常第二日會送貨，但屋企立立亂，一套SOFA有4盒組件，送到黎放晒係廳都無位開箱/砌。唔得！

方案二：PAPI話可以等幾日，比時間執走D垃圾。送左卡樂B返學，順手租埋貨VAN去出貨 [租一日貨VAN£50-60+油錢]。但MAMI想：如果去到無貨/唔齊咪晒時間+晒錢？又係唔得！

方案三：IKEA ONLINE可以訂晒我地想要既傢俬，手痕痕CLICK下運費點計：驚人發現，只係£15! 真係平到連油錢都唔够! 即刻同PAPI報告，網購最好！

完成交易，EMAIL CONFIRM邊日送貨，咁啱係MAMI唔洗返工既日子。PAPI話個日自己都放埋假，送到黎就可以即日做埋装嵌。PERFECT！

一早搬開晒要退役既SOFA/卡樂B既玩具，等送貨，家徒四壁，LIKE！


好幸運地，當日12點半貨車就到門口[卡樂B返緊學，少個人係度攪攪震！]，送貨員話有D包装箱太大，難入門口，會係貨車度開左箱先送入黎。仲好！扔少好多紙皮/膠膜呀！


準備開工之際，PAPI又話想吸多次塵。。。等得黎。。。够鐘凑放學啦！

於是就等埋卡樂B一齊開工。

開晒D箱，扔晒D紙皮先...


以前未有卡樂B，通常都係MAMI負責做BOB THE BUILDER。睇圖，擺位，試嵌。PAPI就負責上實D鏍絲/搬位。不過自上次搬屋開始，MAMI功成身退啦：拆左件既櫃/床都係PAPI自己ONE MAN BAND重新砌番埋[MAMI就要帶卡樂B去商塲遊蕩，以免佢攪攪震。。。]。

今次要砌SOFA，有D位都要頗小心装入，而且組件都幾重。就算MAMI唔做指揮册劃，都要STANDBY遞下釘仔/鎚仔，幫手扶正D位。

點講/點解釋PAPI要好專心砌野都好。。呢個仔都唔會LEAVE PAPI ALONE!

但整個装嵌過程都比MAMI預期中順利/快：3個半鐘頭後。。。VOILA！


完成SOFA，剩低既工程又要遲日先可以繼續LU。。。

終於等到星期日，卡樂B一早就醒左，話要做BIG PROJECT：自己既睡床。


當正自己係BOSS [當日PAPI同MAMI分别被改名為WORKER 1/WORKER 2] 好認真幫PAPI點齊所有組件/零件。


懶醒咁睇位 ~ 但係粒鏍絲唔係入呢個位囉。。。


臨尾装床板既時候：有塊床板既窿位同床框窿位唔對，上唔到鏍絲！應該係床框窿位差左。。。

要投訴既話，就算可以换番，應該都要自己搬件貨番去换。而且。。。係床框有問題，即係要成張床坼晒還完先可以攞個框去换，講到呢度：PAPI話要自己攪掂，費事晒時間/金錢。

電鑽一出動，原装設計已被破壞，再無機會投訴LU。。。


就係咁，床都砌好啦！唔洗講都知邊個最興奮啦！


不過。。。BIG PROJECT都仲係未完成：又要再揾時間去多一次IKEA，執D ACCESSORIES，做埋少少佈置，希望呢兩三個星期内攪掂啦！

 

三人四餐

琴晚卡樂B已經講定今日要食雞翼/茄汁蝴蝶粉。所以MAMI都已經係冰櫃攞定雞翼入雪櫃溶雪。又撈好左一份白菜冬菇猪肉整餃子。

點知今日放學後要去攪少少野，返緊屋企既時候，PAPI都話會遲，問卡樂B不如食PIZZA啦？呢個小朋友今次竟然好堅持要食雞翼/PASTA！麻煩既PAPI又話雞翼同蝴蝶粉唔親，要食飯。。。MAMI要步處下點整呢餐晚飯先得！

到屋企已經4點9！MAMI要開TURBO！

即刻醃雞翼，預熱焗爐，洗定米落飯煲。MAMI就開始包餃子。

MAMI真係無包餃子既天份：D餡次次都唔係MAMI想象中既味道，包又包得唔好手勢。。。但耐不耐就傻下傻下走去買餃子皮。

包左幾隻，焗爐熱就放雞翼入爐，淥PASTA。

包左十隻，同雞翼轉一轉身。PASTA撈起。

跟住就要叫卡樂B開檯。。。熄爐，攞雞翼出黎攤抖一下。番熱PASTA，撈入現成茄汁。OH！唔記得整菜！唯有開罐罐頭SWEETCORN。。。

頭圍用膳：


頭圍食緊，MAMI就可以攪自己個餐：湯餃。淥淥下。。。醒起要預備第二日既飯盒！仲有幾棵小唐菜。可以食兩餐。CHOP，CHOP，CHOP：炒小唐菜！

飯都煲熟啦！放好飯同小唐菜入飯盒。餃子又够時間可以撈起。

二圍用膳：


[今次既餃子味道稍為好左D，但離達標都仲有好遠下。外形方面：唔靚，但好在今次包得實，無爆皮露餡。無太大失敗，MAMI有番信心/興趣下次再做！]

頭圍仲慢慢歎緊。。。二圍坐低又要趕迫下佢食快D

二圍食飽飽啦，頭圍都仲繼續緊！MAMI又跑去洗咁D碗先囉。。。

咆哮一輪，頭圍终於散席，可以上樓洗白白，閲讀，覺覺猪。。。

為時8點。落樓攪埋剩番個兩餐。

尾圍用膳：好懶的一個清炒黄芽白+雞翼+白飯任装。


之前只係快手包左晚飯個份餃子，而家有時間包埋其餘既皮，聽日仲有多一餐餃子餐。


順便將用剩既猪绞肉做埋蒸猪肉做明日飯盒。


寫埋BLOG，無電啦。。。大家早抖。。。

MAMI又慶生了！

上個月，MAMI又大左一嵗。

卡樂B送既生日卡。。。

有乜咁特别？無錯！係一D都唔特别，點解？呢張係同款第4張，唔信呀? 呢度有講。

到左呢個年紀，點慶祝OR就算唔慶祝都無所謂啦。不過，MAMI都請左一日假無返工。以前係香港係會照常返工架，但係呢度。。。個個同事都會攞假，雖然無特别節目，但都係唔好係OFFICE出現好D！

送左卡樂B返學，PAPI提議去SHOPPING PARK飲杯茶/行下。飲左茶，行左唔够一陣，揀得幾件减價TEES，PAPI就已經話腰酸話背痛。。。去埋超市就返屋企攤抖。

咁啱當日卡樂B放學後有MOVIE NIGHT，5點先去接放學，比多兩粒鐘MAMI懶下，仲唔係最好既禮物？

卡樂B一早已經講定要食PIZZA慶祝！ERH。。。牛一個位好似唔係你BOR。。。。所以接左仔就去PIZZA HUT。哈哈！唔洗煮！最後仲係一連兩晚都唔洗煮：叫得太多要包走，第二日食埋！

二十幾鎊，二十幾鎊。。。

經濟不景，但超市買餸唔覺唔覺又加晒價，人工就加左等如無加！

MAMI有時都想慳得就慳，係舖頭揀來揀去，都最後都放返低。

一邊咁想，另一邊唔覺唔覺又。。。

平日卡樂B瞓左，MAMI既MI-TIME通常都係消磨係電腦面前:上網，上FB/TWITTER，寫下BLOG，巡下舖（！）咁就出事啦。。。


好鬼鍾意個款，有拉鍊唔怕比人扒野，裝到唔少野但唔算BULKY。清貨價：£25! 即刻趁手買多個！

[POST左張相上FB，有老死越洋訂貨，手快有，手慢無!]


呢樣野。。。

其實真係無需要，但係减到£25都唔洗。。。一部呀，唔該？

有乜好？ERH。。。係迷你版 [厨房其實無位架啦，買左就自然有辦法安置]，但可以做出類似街外咖啡既效果 [屋企有咪唔洗出街飲囉，除苯有精！~ MAMI的C9心態表露無遺！]

點解咁平？因為呢部係手動版。大機PROGAM好晒要冲乜咖啡就落幾多水，够水就自動停機。呢部要企係隔籬望住，到水位就自己停機。

不過部機操作都算簡單，卡樂B係MAMI指導下都可以幫手冲咖啡！


MAMI雖然每日都飲咖啡，但朝早趕住返工/返學既日子就梗係唔會棟篤企係部機隔籬等啦！真係3分鐘都係太浪費時間。。。所以呢部機通常係WEEKEND先出勤。

MAMI既CAPPUCCINO，卡樂B就黎杯CHOCOCINO啦！


攪掂！兩母子可以撐檯脚歎早餐LU。。。


ANYWAY，財散人安樂。。。