觀花

上週末開始，呢邊日日都好似小熱浪咁，太陽頗猛，氣温都上到20度左右。但行返埋有瓦遮頭既地方都仲頗陰凉。

ANYWAY，一有陽光，大家都找抓緊時間去户外。唔去得遠，MAMI就日日同卡樂B係後園觀察D花花草草既生長情况啦！

蒲公英又開始出現啦！遲個零禮拜就會生滿草地，到時就要PAPI剪草，鏟除佢地。。。


風信子開始出花。人地種個D好高身，串花又長，我呢幾棵就物似主人型：肥肥矮矮。。。


呢棵植物，卡樂B比左個名叫佢做WEE MACGREGOR。


WEE MACGREGOR其實係一個教小朋友種植節目入面既一班RADISH，卡樂B見到個BULB係白白紫紫就以為呢D係RADISH，呢D其實係鬱金香黎架！卡樂B每日都會去同WEE MACGREGORS打招呼，MAMI就要做幕後配音。MAMI記得應該係買左一包雜色既BULBS，而家都仲係長緊葉，所以未知會開乜色既花呀！

當然仲有舊年種落既MOTHER'S DAY TREE。跟據標籤介紹，呢棵係PRUNUS CERAIFERA‘NIGRA' / CHERRY PLUM ~ 櫻桃李。

舊年買既時候係咁樣：


冬天落葉落到得返幾條樹枝，而家回暖，幾個禮拜就出左好多新葉，仲有幾朵花仔添呀! 既然係李樹，遲D會唔會結果呢？

WHAT AN EPISODE!

大家會覺得發生緊乜事呢？卡樂B打PAPI？點解卡樂B喊得咁凄涼？

事源：卡樂B同PAPI一向都老友鬼鬼，PAPI有乜野要做，卡樂B都超級踴躍自動請膺幫忙。

呢朝早，卡樂B又同PAPI講要‘DO SOME JOBS TOGETHER’，PAPI其實剩係係厨房出出入入冲咖啡/整多士，攪下D無謂野，無JOBS要做。
PAPI話無JOBS做，卡樂B一時情緖激動就開始喊。。。仲一路話住要幫手做野。

PAPI笑到要抹眼水，卡樂B見PAPI大笑，一路話住‘IT'S NOT FUNNY，一路就喊得仲緊要D！

PAPI更加停唔到笑，於是呀仔就用手去掩PAPI個口，唔准PAPI笑。

最後，PAPI抱左卡樂B去洗臉。

洗完臉，卡樂B都仲係要揾JOBS做！PAPI唯有話地下污髒，比張纸佢抹地。呢個仔真係好認真咁抹，PAPI話望住覺得佢好可憐呢！

抹過地，件事都仲未完！PAPI應承埋卡樂B會有個機會‘兩個男人做D野’。

過左一陣。。。我地要去超市買野。卡樂B覺得呢個係‘兩個男人做D野’既時候。見到MAMI著鞋著袜出門口，卡樂B竟然同MAMI講MAMI唔去得！仲郁埋手幫MAMI除返隻袜，叫MAMI坐定！

PAPI入到黎叫大家上車，卡樂B都係猛擰頭話MAMI唔去得，剩係佢地兩個去。

MAMI講乜都無用，卡樂B又再喊過！PAPI解釋SHOPPING係女人做既事嘛！卡樂B又似懂非懂咁點頭同意。咁MAMI係咪可以一齊去呢？NO！

PAPI話MAMI要附責比錢WOR，MAMI一齊去啦！卡樂B喊得仲大聲D：我唔要你[MAMI]比錢，要PAPI比錢。。。

如是者，拉拉扯扯，解釋N輪，MAMI终於可以著鞋上車出發。

[唉。。。卡樂B就係一個咁執著既熱心人士，加上佢一貫既感性，好多時少少一件事都可以令到自己好UPSET，變喊包。。。MAMI就希望佢大個D唔會咁啦！成日咁易喊，返學會比人蝦架嘛！而且，少少事咁攪一攪，又無左成半個鐘！]

步步高陞！

短短幾個月，返完香港又返西班牙，美食/購物都係其次。最緊要既，就梗係要見屋企人啦！今次返去，仲係要同兩位家族新成員第一次會面添呀！

第一位：香港既姪女！卡樂B做表哥，MAMI就榮陞姑媽啦！



卡樂B對於表妹都頗好奇，成日會問表妹做緊乜/點解喊。又扮晒大人，講COOCHI COOCHI COO 黎逗表妹，好攪笑！

第二位：西班牙既外甥孫。呢個靚女一出世，卡樂B身份就大躍跳，成為表叔！媽咪就變成左。。。舅婆 [好復雜，又難聽！好彩。。。係外國，一聲AUNTIE/UNCLE或者直接叫名就攪掂晒。。。



做左UNCLE，要識得照顧後輩嘛！所以卡樂B每次見到表姨甥女，都會錫返啖打招呼。又要同B女影相。帶出街仲要幫手推車。

咁多野要做，卡樂B有壓力架！所以。。。某日，佢突然同MAMI講‘DON'T WANT TO BE AN UNCLE...'. MAMI 問點解。佢話‘I STILL LIKE MY CHUPES [卡樂B BB話=啜手指]。。。’

CHEAP CHEAP OUTLET購物

今次返郷下，竟然有機會一家3口一齊去行OUTLET SHOPPING WOR！

由機塲返99屋企途中公路經過大大少少幾個購物商城。最吸引MAMI既係一個叫LAS TERRAZAS既OUTLET，因為見到有個招牌寫住ZARA OUTLET。話左幾年想去行下，今次终於成行！

原來係城過黎，搭COACH剩係會係公路交匯處擺低我地。。。我地要自己執生横過公路，行ROUNDABOUT轉過去公路另一邊，再行一段大直路入商塲。



行左30分鐘左右终於到達商塲，卡樂B一見麥當當就跑入去話要食雪糕！咁我地就順便食埋個QUICK LUNCH充電囉！咁先有力血拼嘛！

LACOSTE：入去8下D價錢。童裝長褲原價€70。女裝POLO TOPS €80-€100一件。正價梗係唔買啦！

咦！望真D。。。褲仔减到€19？兩件POLOS都係减多過半價？咁又唔拒呀！連PAPI都話抵，仲猛慫恿MAMI去試身。。。

埋單：PAPI發現紅色件POLO有污積，係LAST ONE，店員主動再减價，PAPI又覺得可以洗得甩，要左！黄色個件呢，比左錢走人MAMI CHECK 單先發現：標籤話特價€38，最後收€13都唔洗！真係意外驚喜！



[其實呢。。。呢兩件TOPS都係窄左少少，但PAPI話買左會激發MAMI减FAT喎，加上價錢好就買左啦！而家就要睇下MAMI要幾耐先可以著得落啦。。。]

行多幾步就到MANGO，一入去就見到：€15减到€2。咁既價錢，又唔係D咩古靈精怪款，仲洗諗？

原本想去既ZARA OUTLET，改左名叫做LEFTIES，係同ZARA同一集團既另一個LABEL，LEFTIES個名怪怪地。。。唔去啦！

商塲仲有玩具店，家品店。。。但呢D大件野，睇啱都搬唔到返英國，加上兩位男士都悶够，所以就打道回府。

I'M [WE'RE] LOVIN' IT！

失踪左個零禮拜，趁揾到平機票，返左西班牙探親。。。

西班牙！有無食TAPAS，海鮮飯。。。少少啦！但想先講下我地既飯堂 ~ 麥當當!

99屋企附近既步行街就有一間，係每日必經之地。

呢度既麥當當當無早餐賣架，所以係早上11點先開門营業。

今次黎，装修左，同其他國家既麥當當同一STYLE：深绿主色，有長檯，高櫈。


食物方面。今次MAMI终於有機會望清楚個MENU！咦：無賣魚柳飽既？唔知係咪郷下係海島，D海鮮太靚，少人食唔賣定係係西班牙麥記都唔賣魚呢？同樣地。。。兒童餐都無魚手指。

不過。。。有雞翼呀，應該係香港既脆香雞翼？係就係細隻D，MAMI唔洗迫住咬飽啦！
唔食薯條，又可以要個沙律，附送橄欖油/SHERRY VINEGAR，不失為健康選擇。唔錯！


MAMI次次幫趁餐飲都係跟LIPTON ICE TEA。呢度無奶昔賣，但反而有啤酒wor：PAPI話呢度既人啤酒當水飲架啦！

價錢方面：一個套餐6歐元有找!

最開心既係：食到限量版本既MCRIB！即係香港以前叫既將軍漢堡呀！N年無食過，今次呢個既汁唔够多，但都令MAMI好回味。。。


HAPPY MEAL又點？英國既餐有4個ITEMS（主食+薯條+飲品+玩具），呢度有5個（主食+薯條or菜+yoghurt or fruit+飲品+玩具）主食可以揀PIZZAMELT，漢堡飽，芝堡，CHICKEN NUGGETS）。附送既玩具呢？英國送既全都係同電影掛鈎既玩具/擺件，我地係英國都未見過呢D款式呀！價錢方面就比英國既貴少少：3.65歐元一份。


甜品對大家都好緊要。呢度有乜特别款式呢？雪糕新地賣1.95歐元，貴英國成倍價錢，可以揀朱古力/焦糖或者白朱古力。即係話：無士多啤梨味。又有WAFER杯，都係淋朱古力漿或焦糖，但洒面既果仁係PECAN，卡樂B食左一啖就大讃‘NICE，I LIKE IT!'，所以我地都食過幾次。。。


新装修既麥當當，又加入左高科技比大家享用：FREE WIFI。英國既麥當當都有免費WIFI，但要係CLOUD登記，而且都頗慢。呢度只係要開BOWSER ACCEPT TERMS AND CONDITIONS就立刻連接，方便得多。我地唔入去開餐，就咁去買杯咖啡又可以坐下，CHECK 下EMAILS/FB，HEA下。。。不過，有D人係就咁企係門口都用到。

以前呢間麥當當廁所人流好鼎盛架！装修後，廁所只設男/女/殘障+嬰兒間各一。殘障+嬰兒間就要問櫃面攞鎖匙，男/女廁點入呢？買完野食，服務員會發收據。收據上面就有開廁所門既密碼啦！咁樣就可以减少閒雜人等入黎借廁所。但對我地呢D帶住小朋友既家長就麻煩左D囉。


整體黎講：MAMI都頗滿意呢度麥當當既食物選擇/設施。價錢就更加唔洗講啦！15歐元左右就餵飽一家3口，有時候食個早餐都要接近10歐呀！

跨年省親 - 西貢食海鮮

香港既海鮮，新鮮，種類多，煮法又特别，係呢邊真係有錢都未必食得到。所以返到香港。。。公公婆婆好多時都會蒸多條魚比MAMI嘆下。

MAMI唔係次次返香港都可以去到西貢，上一次去，已經係。。。7年前，上幾次返，唔係無時間，就係無機會食（PAPI一向對海鮮無興趣。。。），今次同卡樂B做先投部隊，仲唔趁機大快剁頤？

沿住海皮行就見到有用艇仔經营既海鮮檔，有興趣揾心水靚海鮮食番餐既都要揼低頭，望清楚/ 揀定就同老板問價。



我地得3大1細，而且係食午飯，所以都係揀左幾樣簡簡單單既就算。



MAMI當然唔知邊間好啦！但妹妹一早已經諗定去某一間，話呢間既其中一道海鮮整得好出色，好想帶MAMI去試下。

坐低，妹妹就揾油料加工價目表，記住各類自帶海鮮/煮法/人數既價錢，交低材料比侍應送入厨房烹調。

上菜。。。



春卷當然係為左迎合卡樂B胃口點架啦！椒鹽荳腐都整得鬆化/唔油膩。

油鹽水浸蚌，清清地，易入口。

花足蝦一上既時候，妹妹睇左一眼，有D懐疑。。。話D蝦細隻左！叫侍應埋黎問下，侍應解釋煮左會縮水！雖然有相係度，但MAMI都好難比較到係咪真係有偷龍轉鳳。

無法對証。。。繼續食啦！

妹妹推介既係呢度既椒鹽鮑魚仔。講真！真係整得好好味，D鮑魚一D都唔韌，椒鹽份量剛剛去，無太鹹/太辣！

上菜時有過小小說話，到埋單，侍應們都你推我讓揾人遞張單埋黎。

妹妹以前都領教過呢間酒家既作風，所以今次都好仔細CHECK單。

一CHECK！油鹽：16元，即係乜？樽裝水：15元，餐牌寫12元架？卡樂B要自己比錢買一支水，都照收一個人茶錢？

當然要揾侍應埋黎問問。侍應話：16元係油鹽囉！講乜呀?油鹽咪加工個度計左囉，又計？侍應又作話係個碟點荳腐用既喼汁！我地真係未見過呢D汁要咁分開計錢bor！咁呀。。。應該係餐前開胃小食啦！但我地見都無見過碟野bor？侍應話可能唔記得上，如果你想要，可以而家送返一碟上黎。食飽埋單先上開胃小食。。。 跟住有個‘高级’D既埋黎幫口，話以前都有客CHECK單時問過同樣問題。咁你仲重施故技[呃人錢]？

DEAD AIR。。。

OKAY，咁樽水又點解呢？‘高级’話係電腦出既價錢，佢地無留意。。。

妹妹話無食過開胃小食，無可能要比錢。樽水：都唔應該無端端收多人幾蚊啦！

又DEAD AIR。。。

最後，‘高级’話打個張單，但一句道歉說話都無講！

我地咁少人都想搏懵收多個十零蚊，如果10幾人一大圍，又酒又水，食得10零個菜，要收多一千幾百唔難呀！

落樓之後。。。妹妹就話：真係無下次！

原來妹妹黎食過幾次：第一次無自帶海鮮加工，係酒家問左D海鮮乜價錢就點，做出黎道道菜都對版，但衰在係呢間揀海鮮，價錢唔平。

有第一次經驗，第二次自己去艇買大隻/靚D既鮑魚仔比加工費酒家整。點知，落左單唔洗一陣D鮑魚仔就最先上。[妹妹覺得係厨房已經有處理好左既替身STANDBY，所以好快就起得！]但一眼就見到係細隻左既！一問都係個個MODEL ANSWER：煮左會縮水。個次妹妹諗住都唔會再幫趁，無出聲。

點知為左想帶MAMI食下D正野，又送上門幫趁第三次。。。今次買到既鮑魚仔真係好細隻，换無可换，所以要花時間處理來貨。D鮑魚仔變左係當日最後一道菜！

無論如何，好多謝妹妹既一番心意，投訴係件不快事，不過。。。到左而家，MAMI都真係仲好回味呢一餐架！